Bêrîvan di greva birçîbûnê de ye

Rêxistina çavdêriya mafê mrovan li Başûrê Kurdistanê Kurdistan Watchê da zanîn ku Bêrîvan Eyûb a di hepsa PDK´ê de ev 13 roj in di greva birçîbûnê de ye û rewşa wê ya sihetê gelekî xira bûye.  

Bêrîvan Eyûb bi xwe ji Dihokê ye. Ew sala par 13´ê Cotmehê li hewlêrê ji aliyê hêzên PDK´ê ve hat girtin. Bêrîvan Eyûb ji hingê ve girtiye û hîna ti ceza lê nehatiye birrîn. Ji wê re weke sedema girtina wê gotine, têkiliya wê bi PKK´ê re heye. Piştî girtina wê jî tevî ku ew di hepsa hêzên PDK´ê de jî bû, hevjînê wê dev jê berda. Li dijî giortina xwe ya bi neheqî û binpêkirinên mafên xwe, Bêrîvan Eyûb ev 13 roj in di greva birçîbûnê de ye. Ji ber şertên girtinê jî, rewşa siheta wê gelekî nebaş bûye.  

HEWLÊR