8 kesan jiyana xwe ji dest dan
Sêşem 20 Tebax 2024 - 00:15
Li ser rêya Şengal û Telaferê doh êvarê qezayeke giran a trafîkê rû da. Di encamê de 8 ciwanên ji Şengalê jiyana xwe ji dest dan, 3 kes jî birîndar bûn.
Qeza pêr êvarê li ser rêya Telafer-Şengalê qewimî.
Li gorî agahiyan wesayitek û barhilgirek li hev qelibîn.
Di encama qezaya giran de 8 kesan jiyana xwe ji dest dan.
Hate ragihandin ku kesên di qezayê de jiyana xwe ji dest dan xelkê navçeya Til Izêr û komelgeha Xanesorê ya Şengalê bûn.
Di encama qezayê de 3 kes jî birîndar bûn, ku rewşa tenduristiyê ya 2 ji wan giran e.
Cenazeyên kesên jiyana xwe ji dest dan birin Saziya Tipa Edlî ya Mûsilê. Ajokarê barhilgiriyê jî hate binçavkirin.
ANF/ŞENGAL
