7 hezar malbat vegeriyan

Zêdetirî 300 hezar Kurdên ku ji ber êrîş û dagirkeriya Tirkiyê di sala 2018an de neçar man ji Efrînê koçber bibin, piştî peymana 8 xalî ya ku di 10ê Adarê de di navbera QSD’ê û rêveberiya demkî ya Şamê de hat îmzekirin, dest bi vegerê kirin. Hevserokê Rêxistina Mafên Mirovan a Efrînê Îbrahîm Şêxo, diyar kir ku zêdetirî 300 hezar kes ji herêmên dagirkirî koçber bûne û got:"Ev 7 sal in gel li benda vegerê bûn. Beriya vê peymanê hin welatiyan hewl dabûn vegerin. Lê heta niha jimareke zelal li ber destê me nîne. Li gorî daneyên ku me piştî peymanê berhev kirine, nêzî 7 hezar malbat vegeriyane Efrînê. Em texmîn dikin ku ev hejmar 100-150 hezar kes li benda vegera Efrînê ne. Li Heleb 200 hezar nifûsa li benda vegera Efrînê ye. Bi rastî roj bi roj hejmar zêde dibe. Dikare bê gotin ku gihiştiye 300 hezarî. Şêniyên Efrînê yên li Heleb li benda lihevkirinên Rêveberiya Xweser û Hikûmeta Şamê ne. Heta niha ew lihevkirin çênebûye. Em dizanin ku dema vegerê ya mezin pêwîstî bi vê peymanê heye. 

Divê komên çete derkevin

Îbrahîm Şêxo amaje bi wê yekê kir ku sedema ne aramkirina vegerên li Efrînê ew e ku hîn komên paramîlîter li bajêr hene û got, ev pirsgirêk berdewam dike û alozî li bajêr çêdike. Îbrahîm Şêxo bi bîr xist ku piştî dagirkirinê bi salan Efrîn bi revandin, talankirin, tacîz û destavêtinê re têkildar bû û got:"Eger dixwazin veger berdewam bike, divê Rêveberiya Xweser û hikûmeta Şamê ewlekariya hundir bikin. Divê şêniyên Efrînê yên ku vedigerin karibin xwe biparêzin û komên cuda jî li bendê ne ku destwerdana wan bikin." Bi taybetî jî em li bendê ne ku komên girêdayî Tirkiyeyê ji bajêr derkevin.

Li malên xwe bicih bûne

Îbrahîm Şêxo da zanîn ku hejmara malbatên ji komên çekdar ên ku piştre li herêmê bi cih bûne jî daketiye 200 hezarî û wiha got:"Em dizanin ku eger bi van koman re lihevkirinek ji aliyê şervanên YPG-YPJ'ê û hêzên Rêveberiya Xweser ve bê kirin, dibe ku komên li Efrînê mane jî vegerin. Şêniyên Efrînê yên ku venegeriyane, dibe ku li Efrînê bin. Hat ragihandin ku bûyerên talanê û diziyê ji aliyê komên girêdayî Tirkiyeyê yên bi navê Sûltan Silêman Şah û Sûltan Mûrat ve hatine kirin, ji ber vê sedemê venegerin Çadirên îsal jî weke 8 salên derbasbûyî me xeber girt ku gelek ji wan kesên ku çûne malên xwe. Vê yekê em kêfxweş kirin."

MA/CEYLAN ŞAHÎNLÎ