13 hezar mexdûrên mayînan

Saziya Mayînan a Hikumeta Herêma Kurdistanê ragihand ku li gorî daneyên berdestê wan heya niha 13 hezar û 500 kes li Herêma Kurdistanê bûne qurbanê bûyerên mayînan.

Doh roja cîhanî ya hişyarkirina mayînan bû. Saziya Mayînan a Herêma Kurdistanê bi boneya rojê daxuyaniyek derbarê hejmara kesên bûne qurbanê teqînên mayînan belav kir.

Li gorî daxuyaniyê heya niha 13 hezar û 500 welatî li Herêma Kurdistanê bûne qurbanê bûyerên mayînan.

Saziyê bang li welatiyan kir da ku bi ti awayî nêzî cihên mayîn lê hene û herêmên metirsîdar nebin. Bang li welatiyan hate kirin ku dest navêjin ti teqemeniyan û dema tiştek dîtin li hejmara telefonê ya 182 a saziyê bigerin.

NAVENDA NÛÇEYAN