YPJ bûye nasnameya jinan

Bi munasebeta salvegera 12'em a damezrandina Yekîneyên Parastina Jinê (YPJ) û rojbûna Rêberê Gelê Kurd Abdullah Ocalan li Hesekê torenek leşkerî hat lidarxistin.

Yekîneyên Parastina Jinê (YPJ), di bin diruşmeya "Artêşbûna jinê misogeriya jiyana azad e" de bi mebesta damezrandina xwe ya 12'emîn û Rojbûna Rêberê Gelê Kurd Abdullah Ocalan, torenek leşkerî û şahî lidar xist.

Çalakî li hola Serdem a bajarê Hesekê ya kantona Cizîra Bakur û Rojhilatê Sûriyeyê bi beşdariya fermandar û şervanên YPJ'ê û saziyên jinan ên li bajêr hat lidarxistin. Qada şahiyê bi wêneyên Rêberê Gelê Kurd Abdullah Ocalan, pakrewanên jin û alên Yekîneyên Parastina Jin hatin xemilandin.

YPJ bûye nasnameya jinan

Çalakî bi torena leşkerî ya YPJ'ê destpê kir û deqeyek rêzgirtin pêk hat. Paşê Fermendara YPJ'ê Newroz Ehmed axivî. Newroz Ehmed ev şahî li Rêberê Gelê Kurd Abdullah Ocalan û hemû şervanên YPJ'ê pîroz kir û wiha got: "Bi saya fikr û ramanên Rêber Apo a ku pêşkêşî jinan kiriye, em hêzên xwe ava dikin. YPJ bûye nasnameya hemû jinan." Şahî bi gerandina govendên gelêrî bidawî bû.

NÛJINHA/HESEKÊ