Terorîzma Tirk: 30 navendên sivîl derxizmet man

• Di encama êrişên dagirkeriya qirker yên dewleta Tirk de yên li ser Rêveberiya Xweser a Bakur-Rojhilatê Sûriyê 30 navendên binesaziya sivîl derxizmet man. Navendên ku bûne hedefa êrîşên Tirk asta dijminatiya li Kurdan destnîşan dike û nîşan dide ku dewleta Tirk pergala exlaqê şer û nirxên mirovî li dijî Kurdan betal kiriye.

Êrişên dewleta Tirk ên li dijî Bakur û Rojhilatê Sûriyeyê ji şeva 23’yê cotmehê heta niha bênavber didomin. Li gorî nûçeya ANHA’y  dewleta Tirk bi balafirên şer, balafirên biçek û bêmirov û topan jîngeh, binesazî û saziyên xizmetê hedef girt. Bi vê çarçoveyê navendên tenduristî û perwerdeyê, firin, depoyên ard û genim, sîloyên genim, santralên ceyranê, şîrket, febrîqe, şebekeyên telefonê, stasyonên av, gaz û petrolê hedef hatin girtin.  

Di êrişan de li Kantona Cizîrê 30 navendên sivîl derximet man.

Navên navendên derketin derveyî xizmetê ev in:  

Li Dêrikê; 

* Stasyona Siwêdiyê ya ceyranê  

* Stasyona xazê ya Siwêdiyê 

* Stasyona Girzîro ya petrolê 

* Kargeha Zozan a Mast û Penêr 

* Kargeha kîsên naylon a li gundê Mêrga Mîra 

* Garaca li bajarê Dêrikê

 Li bajarokê Rimêlanê; 

* Navenda sererastkirina erebeyan 

* Navendeke avahîsaziyê 

* Stasyona komkirina petrolê 

* Navenda dagirtina oksecînê

Li Tirbêspiyê; 

* Stasyonê petrolê ya Seîda 

* Stasyona Babasî ya petrolê ya li gundê Kêl Hesnak 

* Zeviya Oda ya petrol û xazê 

* Parzûngeha petrolê ya li gundê Beyazê 

* Parzûngeha petrolê ya li gundê Girê BePirê 

* Stasyonê elektrîkê

Li Qamişlo; 

* Navenda Tenduristiyê ya li taxa Xelîc 

* Navenda Tenduristiyê ya li taxa Meyselûn 

* Navendeke avahîsaziyê li ser rêya Hizam 

* Kargeha dirûnkariyê 

* Embara genim 

* Şîrketa Pêşxistina Çandiniyê 

* Navenda avahîsaziyê ya li gundê Heremê Şêxo

Li Amûdê; 

* Stasyona elektrîkê 

* Firine 

Li Til Temir; 

* Kargeha Çemento ya Îstîqamê 

* Banka Çandiniyê 

Li Eyn Îsa; 

* Embara genim 

Li Kobanê; 

* Stasyona elektrîkê 

* Firine 

* Embara genim a li gundê Rovî

MA