Kovara derûnnasiyê ya bi navê “Psychology Kurdî” ya ku serê çar mehan derdikeve bi hejmara xwe ya 16’an careke din çap bû.
Kovar ev bû 7 salên wê ku derdikeve. Hejmara 16’an jî ya meha Gulan, Hezîran, Tîrmeh û Tebaxa sala 2023’an e.
Kovara “Psychology Kurdî” di vê hejmara xwe de dosyeyeka bi navê “Derûnnasiya Klînîkî û Erdhej” hazir kiriye. Ji bo dosyeyê bi Okan Taycan re peyivîne. Taycan dibêje; “Piştî her karesatê mirov radibin ser piyan û eleqe û alîkarî weke lehiyê diherikin. Lê mixabin ji ber ku piştî karesatê bi demekê rewş vediguhere serdema berî karesatê û eleqeyeke civakî kêm dibe, yên ku karesat jiyane li çoltereke bêdengiyê tên mehkûmkirin.”
Ji bilî hevpeyvînê, Jan Îlhan Kizilhan bi nivîsa “Trawma û Karaset”, Azad Dildar bi nivîsa “Alîkariya Pêşîn a Derûnû”, Gulperî Gunduz bi nîvîsa “Erdhej û Xebata Civakî” û Sehra Aksu jî bi nivîsa xwe ya “Zarok û Trawma” piştgirî dane vê hejmarê.
NAVENDA NÛÇEYAN
