Pêwendî sard legel Mucahîdên

Hesen QAZÎ nivîsand —

În 5 Tebax 2022 - 22:12

  • Hêzî opozîsyonî Iranî bew şêweye peywendîyan legel ême baş bû, ta şorişî Iran rûy da.

Sazmanî Înqîlabî u Kurdistan (136)
Dirêjey wutuwêjî Selah Reşîd legel Mam Celal

Hêzî opozîsyonî Iranî bew şêweye peywendîyan legel ême baş bû, ta şorişî Iran rûy da. Şorişî Iran helgîrsa, cema'etî Sazmanî Înqîlabî bûn be hîzbî Rencberan û nêwanman her başmabowe, her weha legel (çirîkhayê Fîdayî Xelq) ke (Eşrefî Dêhqanî) lêpirsrawyan bû, peywendîman baş bû ta ciya bûneweyan. 

Hîmadî Şeybanî, nwênerî çirîkekan bû le derewe, ew le malî ême wekû kurî malêy lê hatbû, duwayîş yekêk bû le têkoşerekan, ta pêş çend salêk legel cema'etî Fîdayî Eqelîyet mabowe, ta kû êstaş her dostmane û peywendîman berdewame, ta pêş raperînîş, ke le Yaxsemer mabûynewe ewanîşman legelda bûn.

Ey peywendîtan legel Mucahîdînî Xelq çon bû?

- Mucahîdîn ke bûn be dû beşewe, rastîyekey ême piştîwanî layene markisyekeman kird, rastyeket pê bilêm, layene markisyekey, bûn be (peykar) beyniman le gelyan da zor baş bû, heta  ke lêdran u tefrutuna bûn.  Ewan duway çirîkî fîdaî û mucahîdîn, behêztirîn grûp bûn, bo numûne  yek kirêkarî nenasrawî ser be wan le Taran xoy helbijard, ew kabra nenasrawe tuwanî 88000 deng bihênêt, diyare cige le xoyan kes dengî bo neda, ewe nîşaney hêzî ewan bû, belam duwayî têkişkan, hendêkyan gîran û hendê î'trafyan kird û hendêkîşyan kujran. 

Ême peywendîman legel layenekey tir da nebû, çunke ême piştîwanî ewanman kirdbû layekey tir sard bûn le gelman da, duway înqîlabî Iranîş, ême legel mucahdîn peywendîman kiz bubû.

Perawêzekan:

1-Ehmed Tofîq ke nawe rastîyekey Seyd 'Ebdulay Îshaqî, kurî Seyd Hemedemînî Qesabe, le Mehabad le salî 1931 le dayik bûwe. Xanewadeyekî nasrawî têkoşer bûn. Le seretay lawêtyewe, çote naw karî sîyasîyewe û bûwe be endamî Hîzbî Dêmokratî Kurdistanî Iran, le 1959 da penay hênawe bo Kurdistanî 'Iraq. Le Hîzbî  Dêmokrat da, dû bal hebûn, em serkirdayetî balî rastî kirdûwe û perey sendwe. Barzanî û komelêk serok xêl  palpiştî  Ehmed Tofîqyan kird û wek sikirtêrî Hîzb nawî der kird û Qasimloş kêşey legel Bexda hebû, naçar 'Iraqî becêhêşt û berew Çêkoslovakya royişt. Duway maweyek rûdawekan helgeranewe û Ehmed Tofîq Kurdistanî becêhêşt û çûwe Bexda û Qasimlo hatewe Kurdistan û bûwe serkirdey nasrawî Hîzbî Dêmokrat.  Rêjîmî Be'si Ehmed Tofîqyan zîndanî kird, be tometî peywendî legel Iran û duway eşkencey zor le zîndanî Ebû Xirêb bê serûşwên kira.

2-Silêmanî Mu'înî le 1935 le Mehabad le dayik bûwe û bawkî wezîrî nawxoy komarî Mehabad bûwe, le 1952 da çûwete Taran bo xwêndin û xebatî xwêndkaraney kirdwe, û duway 3 sal bend kirawe û le 1959 da hatote Kurdistanî 'Iraq û paş maweyek  gerawetewe zêdî xoy. Le hatinêk da bo Kurdistanî 'Iraq, le 1968 be deskîsî Qale Tegeranyewe degîrêt û radestî Partî Dêmokratî Kurdistan dekrêt û ewanîş be kûjrawî teslîmî Iranî deken û Iranîş termekey be şarekanî Kurdistan da bo çawtirsî degêrêt.

-Silêmanî !!! [Simayîl] Şerîfzade, le 1942 da le Xêzanêkî bazirgan le dayik bûwe, xwêndinî le Mehabad û Taran tewaw kirdûwe, her lew katewe destî kirdûwe be karî siyasî le nêw xwêndkare çepekan da. Le 1964 legel çend hawrêyekî, dêne Kurdistanî 'Iraq û duway 3 sal degerênewe bo xebatî siyasî bo Kurdistanî Iran û ta le 12-i mangî Banemerî (Maysî) 1968, kabrayekî caş xeberî lê deda û şwênekey edoznewe û xoy û çuwar hevalî dekewne şerewe beramber be hêzêkî ziyatir le 500 jendirme, le kotayî da her hemûyan şehîd dekrên.

-Mela Aware, nawî Mela Ehmedî Şelmaşî bû, kurî Mela Hemedemînî Hemewend û le gundî Şelmaşî nawçey Serdeşt le 1934 le dayik bşûwe, le mizgewtekanî Kurdistan gerawe û xwêndûyetî, her le gundekan hewlî dawe xelik wirya bikatewe û hanyan bidat bo meydanî xebat û têkoşan, le 1966 legel hawrêkanî tirî Hîzbî Dêmokrat gerawetewe bo Kurdistanî Iran û destî kirdûwe be xebat ta be fêl le gundî Dêwalan da destigîr dekrêt û le 10 /5 / 1968 legel dû hawrêy tirî le şarî Serdeşt ê'dam dekrên. (Karwanêk le şehîdanî Kurdistanî Iran, Kerîm Hîsamî 1971), Binkey Pêşewa

3-Çetrî rêkixrawe çep û dêmokrratekanî xwêndkaranî Iranî dijî şa bûn le derewe.

4-Mistefay Xumeynî le şarî Qum le Iran le 1930 da le dayik bû, Sawak le Necef  le 23 / 10 / 1977 derman xwardî kird.

5-Govarî Rizgarî, yekem jimarey le 20 / 4 / 1969  derkira, 15 jimarey lê derçû, axir jimarey le  27 / 3 / 1970 bû.

Dirêjey heye...

parvê bike

   

Yeni Özgür Politika

© Copyright 2022 Yeni Özgür Politika | Mafên belavkirinê parastî ne.