Panela şanoya Kurdî 

Nûçeyên Çand/Huner

Çarşem 19 Gulan 2021 - 01:35

Komîsyona Çand û Huner a HDK’ê panela “Li Tirkiyeyê şanoya bi zimanê zikmakî, şanoya kurdî” li dar xist. Şanogerên Kurd anîn ziman ku lîstikên Kurdî çiqas têne astengkirin jî didomin û wan got, ew hêza xwe ji temaşevanan digirin. 

Komîsyona Çand û Huner a Kongreya Demokratîk a Gelan (HDK) di çarçoveya “Civînên Hunerê yên Aştiyê” de paneleke online bi navê “Li Tirkiyeyê şanoya bi zimanê zikmakî û şanoya kurdî” li dar xist. Endama Şanoya Bajêr ya Amedê Berfîn Emektar, Endamê Teatra Jiyana Nû Omer Şahîn, Endamê Şanoya Seyr-î û Mesel Erdal Cevîz û Endamê Şanoya Wan Mencelê Ferhat Aslan wekî qiseker beşdarî panela bi moderatortiya Rewşan Apaydinê bûn.
 
Bi girseyî li şanoya Kurdî xwedî derdikevin 

Endama Şanoya Bajêr a Amedê Berfîn Emektar, bal bire ser zehmetiya Şanoya Kurdî û got, “Avantaja Şanoya Kurdî ya herî mezin temaşevan in. Em diçin li ku derê eywanên şonayan tije dibin. Bi girseyî xwedî li şanoya Kurdî derdikevin. Qeyyûman xebatên me teng kirin. Me dizanibû qeyyûm wê xebatên me asteng bike. Lê dîsa jî em xebatên xwe didomînin.”

Endamê Şanoya Seyr-î û Mesel, Erdal Cevîz diyar kir ku di dema xebatan de gelek caran rastî astengiyan tên û got, ew bi gelek zaravayên Kurdî şanoyê dikin. 

Endamê Şanoya Teatra Jiyana Nû Omer Şahîn got, him Şanoya Kurdî him temaşevanên wê polîtîk in.

Endamê Şanoya Wan Mencelê, Ferhat Aslan jî diyar kir ku piştî qeyyûman xebatên wan gelekî tên astengkirin û wiha peyivî: “Tenê ne şanoya Kurdî, axaftina bi Kurdî jî ji me re qedexe dikin. Lê piştî vê yêkê, me giringî da xebatên xwe û em zêdetir dixebitin.”

NAVENDA NÛÇEYAN

parvê bike

   

Yeni Özgür Politika

© Copyright 2021 Yeni Özgür Politika | Mafên belavkirinê parastî ne.