Paketa Darazê ji Meclîsê derbas bû

Sererastkirina hin qanûnên têkildarî Qanûna li ser Înfazê ya Tedbîrên Ewlekarî û Cezayê ku di nava raya giştî de weke 'Paketa Darazê ya 10'emîn' tê naskirin, li Civata Giştî ya Meclîsa Milet a Mezin a Tirkiyeyê hate qebûlkirin.

Pêşniyara Paketa Darazê ya ji 30 Xalan, piştî rexneyên DEM Partî û partiyên din ên muxalefetê bi derxistina 8 xalan a ji nava paketê ji Meclîsê derbas bû.

Li gorî sererastkirina nû, sînorê jêrîn û jorîn ê cezayê girtîgehê yê li hemberî kesên sûc kirine, bi zanebûn mirov birîndar kirine, bi giranî birîndar kirin û sûcê gefxwarinê kirine, hate zêdekirin. Mînak, sînorê jêrîn ê sûcê birîndarkirineke biçûk ji 4 mehan bû 6 meh, ji birîndariay giran jî sînorê jêrîn ê ceza ji 3 salan bû 4 sal.

NAVENDA NÛÇEYAN