Mergî Newşîrwan Mistefa

Hesen QAZÎ nivîsand —

În 7 Çile 2022 - 22:09

  • Qazî: Kak Xusrew şehîd bû, min her emro şitêkim le ser nûsî. Îrec Keşkolî zînduwe? 

Giftugoy be nûsraw le naw Hesen Qazî û Muhsîn Rîzwanî be rêgay Facebook da
Qazî: Kak Xusrew şehîd bû, min her emro şitêkim le ser nûsî. Îrec Keşkolî zînduwe? 
Rîzwanî: Kak Qubad ke mam Celal be yadî wî nawî le kurekey xoy dana. Emnîş le serî denûsim

Qazî: Belê minîş amajem bewe kirdûwe û nûsîm ke Qubad Talebanî debê qedirzanî bika le bîrewerî Sefayî.
Rîzwanî: Êwe le kam Qazîyekanin?

Qazî: Emin le Qazîyekanî Mehabad im. Be salanî drêj le konfêdrasyon da çalak bûm. Hûşeng Emîrpûrim ew zemanî denasî.
Rîzwanî: Emin le kalîcî şew û rojî Elburz legel Ehmed bûm û hawrê bûyn.

Qazî: Ew Qazî ye Ehmed bû yan 'Elî?
Rîzwanî: Sedrî Qazî ke pizişk bû le Bêrlîn, birakey dostî nizîkim bû. Nawî piçûkîm le bîr çuwetewe.

Qazî: Mistefa Sedir Qazî, be daxewe çend sal lemew ber wefatî kird.  Brakey 'Ebdulaye zînduwe. Pêm waye kitêbêkî estûr sebaret be qutabyan û karmendanî Elburz bllaw buwetewe. Minîş çend mangêk lewê bûm. Axay Mûsewî makoyî nazmêkî zor sextigîr bû.
Rîzwanî: Hawrê Hesen, min le ser karm, bangyan kirdim debê becêtan bêlim.

Qazî: Zor başe, eger peyamêk derbarey kak Newşîrwan binûsî min detuwanim bo endamanî xêzanî û dostanî binêrm le Silêmanî.
Rîzwanî: Be çawan, dwatir hetmen lêre deynûsim.

Qazî: Zor başe, katêkî xoş.
Rîzwanî: Lewey ke merhemetit kird û le bîrî min da bûy sipast dekem.
Qazî: Tikaye.

Peyamî Muhsîn Rîzwanî be 
boney koçî dwayî Newşîrwan Mistefa
Hawrêy ême Newşîrewan Mistefa nîw sede lewe pêş be durustî legel ême lew bawere dabû ke derd û rencî gelan tenê dekrê be rêgay sosyalîzm da le naw bibirdirê. Çi rojgarêk, nawbangî Mao Tsetung, Çê Gêwara û Hoşî Mîn ta çiya ser we asman kêşekanî Kurdistan bilaw bibûwewe. Sîmayekî rûnak be tenîşt Mam Celalewe derkewtibû, mizgênî têperîn le rêberanî ser be sîstîme koneperistekan û desnêje  empiryalîstîyekan û dewlete koneperistekanî nawçeyî deda û basî prênsîpî bernameyekî dekird ke le berzayiyekanî Kurdistanewe cîhanêkî dedî ke têyda awatekanî zehmetkêşanî Kurd legel azadî tewawî beşerîyet lêk grê dedra û be rûnî bo carî yekem ray degeyand rizgarî Kurd le zordarî neteweyî tenya be dest çînî kirêkar meysere û tenya ew çîneye ke be rêgay hîzbî siyasî pêşroy xoyewe detuwanê le sinûrekanî nasyonalîzmî berçawtenganey tê perênê, Kurd, Fars, Azerî û 'Ereb wek birayanî çînayetî xoy yekparçe yek bixa.

Lafawî xebat le cîhan û le nawçe be rêbazî berjewendîyekanî gelanî zorlêkraw û kirêkaran û zehmetkêşan da berew pêş neçû. Û koneperiste nawçeyiyekan her wek caran serqalî zordarî û çepandin û şer bûn. Kak Newşîrwan her wa wefadar ma be serekîtirîn wîstekanî zehmetkêşanî kurd. Le salî 1982 da le meqerî Xirî Nawzengî Celal Talebanî giftugoyekim legelî hebû sebaret be damezrandinî Komele. Kak Newşîrwan Mistefa sikirtêrî Komeley Rencderan sebaret be kurte mêjûy Komele û amancekanî şêkirdneweyekî kurtî pêşkêş kird ke le xwarewe deygêrmewe:

Komelle le salî 1970 damezra, belam ta salî 1975 be nihênî karî dekird û xoy aşkra nekirdbû û dewlet û hîzbe siyasîyekanî dî be hebûnyan nedezanî. Le salî 1975 katêk ke bizûtnewey Kurd be rêberayetî Barzanî şika, ew demî komele destî kird be xebatî aşkira û be nawî xoy le Yekêtî Nîştimanî Kurdistan da beşdarî kird. Dekrê basî çuwar hokarî serekî bikrê le pêwendîy legel pêkhatinî komele:

Yek: Bexodahatin û pêgeyiştinî çînî kirêkar le Kurdistan.

Duwem: Partî Dêmokrratî Kurdistan be kirdewe neytuwanîbû amancekan û awatekanî gelî kurd wedî bênê.

Sêyem: Hîzbî Komonîstî 'Iraq leber wedway Şûrewî kewtin rîswa bibû.

Çuwarem: Bûnî rewtêkî şorişgêrane û pêşkewtû le dway salanî 65 be dwawe le cîhan û şwênkirdnî le ser cewananî şorişgêrî Kurd.

Ew helumercane bûne hoy ewe ke le Kurdistanî 'Iraq mekoy serbexoy Marksîstî – Lênînîstî saz bin. Komele le katî pêkhatinî da Markisîsm – Lênîsmî – ramanî Mao Tsêtungî  kirde binemay têorî xoy û ta salî 78 be nawî Komeley Marksî – Lênînî Kurdistanî 'Iraq karî dekird.

Emrro binaxe têorîyekey birîtîye le Marksîsm – Lênînîsm û hewl dedeyn legel helumercî konkirêt bîguncênîn û xoman le wedwa kewtin, dogmatîsm û be numûne danan biparêzîn.”

Mergî kak Newşîrwan bo hemû hawrêyanî ême ke nîw sede lewe pêş çûne Kurdistan ke legel bizûtnewey Komîtey Şorişigêrî Hîzbî Dêmokratî Kurdistanî Iran be rêberayetî  Şerîfzade û Mela Aware bikewn û legel pêşwazî hawrê Newşîrewan rûberû bûn le bîr nakrê. Pêwendîyek le hawrêtî û hawpêwendî saz kird ke be xwênî Beşîr Xusrewî endamî Sazmanî Înqîlabî Hîzbî Tûdey Iran aw dira.

Yadî bexêr bê
Muhsîn Rîzwanî

29-î Mey 2017

Dirêjey Heye...

parvê bike

   

Yeni Özgür Politika

© Copyright 2024 Yeni Özgür Politika | Mafên belavkirinê parastî ne.