Mergî Mam Celal

Hesen QAZÎ nivîsand —

În 14 Çile 2022 - 22:27

  • Emşew zor le ser Kuriş Laşayî duwam, hetmen emşew deqeke werdegêrim.  Fermû emeş lînkî bernameke.

Sazmanî Înqîlabî u Kurdistan (109)

Giftugoy be nûsraw le naw Hesen Qazî û Muhsîn Rîzwanî be rêgay Facebook da

4/10/2017
Rîzwanî: Kak Hesen silaw,  serexoşî min be boney mergî Mam Celal.

Qazî: Selam kak Muhsîn
Rîzwanî: Metnêkim nûsîwe eger pêt başe, bilawî kewe û bîke Kurdî.

Qazî: Emşew zor le ser Kuriş Laşayî duwam, hetmen emşew deqeke werdegêrim.  Fermû emeş lînkî bernameke.

Rîzwanî: Sipasit dekem

Qazî: Peyamî hawrê Muhsîn Rîzwanî be boney koçî duwayî Mam Celal!
Mergî serokkomarêk, rêberî neteweyekî zorlêkraw, rêkxerêkî 'eskerî, siyasî, dostî gelanî 'Ereb, Fars, Turk û Belûç, dostêkî lemêjîne ke le helumercî dijwar da hemîşe yar û yawer bû, Celal Talebanî û Mam Celalî hezaran pêşmerge, be mîlyonan Kurdî zulim lêkraw, duway îstêkî dil û kewtinî dûru dirêj le nexoşxaneyekî Alman, le lay êmewe barî kird.
Ew serubendî ke pêy dira bijî, hemûy bext kird bo xebat le pênaw azadî. Le temenî sêzdesalanewe legel bizûtnewey nîştmanî kewit bo bergirî le xebatî gelî Kurd, ziyatir le nîw sede herwa be serfîrazî lew rêbaze da mayewe. Lew bawere da bû kêşey 'Ereb û Kurd û Fars û Turk, kêşey hemuwane û debê le hawkarî û yarmetî dûlayene beyekdî da çareser bikrê.
Debê eweş dabigirmewe legel eweşda le hêndêk serubend da ciyawazîy siyasî bineretîman legel yekdî da hebû, belam ew le dostayetî da her wa şêlgîr û rawestaw bû. Bîrewerî qet le bîr naçêtewe û bê guman gelî Kurd ew wekû rêberêkî wefadar û ta duwayî lemer xoy denasê û denasêtewe.
Muhsên Rîzwanî
Endamî serokayetî rêkixrawî pêşûy Sazmanî Înqîlabî Hîzbî Tûdey Iran
3-î oktobrî 2017

5/10/2017
Qazî : Wêray slaw,  sebaret be êweş qisem kird.

6/10/2017
Rîzwanî: Silaw Kak Hesen.

Qazî: Silawit lê bê. Nazanim fursetit kird temaşay bernameke bikey yan na? Basî êweşm têda kird.

Rîzwanî: Gwêm lê girt zor çakit qise kird. Emnîş wutuwêjêkim heye legel Mam Celal le salî 1983 ke be Farsî bilaw buwewe. Sitratêjî ewim rûn kirdewe. Gwêm le bernameke girt.

Qazî: Be rastî eger sebaret be bizûtnewey 67 – 68 babetî bilaw nekrawetan le la hebê, memnûn debim bom binêrî biyankeme Kurdî.

Rîzwanî: Emin ew katey ke berpirsî gowarî manganey Tûde bûm, le ser binemay raportî Kuriş jimareyekî taybetî Tûdem bilaw kirdewe. Eger şitêk negutrawe û heq waye le serî binûsrê sebaret bew dû kesayetîye helkewtûyey Kurd, Mela Aware û Şerîfzade. Mela Aware cige le şorişgêr bûn şa'îrêkî şorişgêrîş bû ke Kuriş çendîn şê'rî ewî legel xoy hêna bo Urûpa û ême şê'rêkîman her le heman jimare da be Farsî û be Kurdî bilaw kirdewe.

Qazî: Belê emin ew jimareyey Tûdem dîtuwe. Tenanet le Bêrlîn şehîd Nûrî Dêhkurdî nusxeyekî le raportî nawxoyî teşkîlatî pê dam. Mebestim le name yan şitî negutrawe sebaret be çalakîyekanî êwe.

Rîzwanî: Hêndêkan piçir piçir fêrî mêjû debin.

Qazî: Nûsînekan peragenden. 

Rîzwanî: Ew guzariştey delêy renge heman raportî destxetî Kuriş bê.

Qazî: Dekrê wa bê, belam be daxewe êsta destim pêy ranaga.

4/5/2019
Qazî: Hawrêy xoşewîst. Emin boçûnekey berêztim le merr pizişkêkî Kanadayî le Çîn û xizmetekanî nemir Dr. Laşayî û Dr. Parsanijad le Başûrî Kurdistan bo dostêk nard le Silêmanî û dawam lê kird hewil bida pêwendî legel rêberayetî Yekêtî Nîştimanî Kurdistan û Gorran bika û ew ber'udeyiyaneyan webîr bênêtewe ke sebaret bew dostaney netewey Kurd le ser şanyane.
Her bjî.

Rîzwanî: Ewe fikrêkî gelêk baş e hawrê Hesen, ême Beşîr Xusrewîşman hebû ke wek pêşmerge le nizîk Qamîşlî le sinûrî Turkya jiyanî le dest da.

Qazî: Hawrêy xoşewîst! Emin pêm waye fikrêkî baş debê eger bitwanim çawpêkewtinêk legel Dr. Parsanijad bikem le bernamekem da bo ewey xelik le Başûrîş lew ruwewe bcûlên û kardaneweyek nîşan biden. Aya dekrê jimare telefûnekeym le Elman bo peyda bikey.

Rîzwanî: Eme jimare telefûnekeyetî. Hewlim da qisey legel bikem, belam çi wulam nebû. Hîwadarim baş bê.

6/8/2019
Qazî: Hawrêy xoşewîst cêjnî le daykbûnit pîroz bê. Hîwadarim katî here başit le rabirdû da katî here xirap bê le dahatû da 

15/8/2019
Rîzwanî: Sipastan dekem.

Qazî: Tika dekem hawrê Muhsîn. Êsta ewe be germî xerîkî wergêranî beşekanî lemer Kurdistanî wutuwêjekanî Şewketim. Demewê hemûyan beser yekewe bo zanyarî xwênerewey Kurd bilaw kemewe.

16/8/2019
Rîzwanî: Hawrrê Hesenî azîz, ewe karêkî be nirxe, renge be cê bê qisekanî Mam Celal û Newşîrwanîş ke lemer Sazmanî Înqîlabî û xizmetekanî duwawin le pal wergêranekan bixrên.

Qazî: Belê hawrê Muhsîn, hetmen ew kare dekem. Selah Reşîd le kitêbêk ke le dû berg da bilawî kirduwetewe le çend lapere da basî ew babete deka ke kirdme Farsî û bo êwem nard, belam emin dilnîyam ke le serçawey dîkeş da Mam Celal lew bareyewe qisey kirduwe ke debê soraxî bigrim û peyday kem. Her weha î Newşîrwanîş. Renge kesanî dîş le "rûnakbîranî ew serdemî Silêmanî" lew bareyewe şityan nûsîbê ke debê peydayan kem. Belam emin zorim pê xoşe le ser Laşayî ziyatir bizanim.

Rîzwanî: Sureya Rîzwanî hawserî le Kalîfornya dejî. Ew detuwanê lew bareyewe yarmetî bida

Qazî: Belê berêzyan le lîstî dostanim daye le Facebook. Demewê hêndêk pirsyar legel berêzyan bihênme gorê. Be têxwêndnewem le kitêbî Şewket pêm waye hogrî wî le ast dozî Kurd ta duwayî berdewam buwe.

Rîzwanî: Renge serinc rakêş bê le Qubad pirsyar bikrê ke boçî nawyan lê nawe Qubad. Qubad nawêk bû ke hawrrê Xusrew Sefayî le Kurdistan heybû û Mam Celal be hurmetî wî û ew xizmetaney ke Xusrew be cewananî ew zemanî kird, nawî kurekey na Qubad.

Dirêjey heye…

parvê bike

   

Yeni Özgür Politika

© Copyright 2022 Yeni Özgür Politika | Mafên belavkirinê parastî ne.