Li ser heramê bi hev ketin

• Ji bo bidestxistina rêveberiya Miduriyeta Muzeya Amedê, du komên AKP'î bi hev ketin. Li ser vê bihevketinê, kirineke bi guman a nêzî bi 30 milyon TL'yî derket holê. 

Ji bo bidestxistina rêveberiya Miduriyeta Muzeya Amedê, du komên AKP'î bi hev ketin. Li ser vê bihevketinê, kirineke bi guman a nêzî bi 30 milyon TL'yî derket holê. Di lepirsînê de ku bi hinceta karê nelirê hat destpêkirin, midurê muzeyê Vehbî

Yurt ji peywirê hat girtin. 

Ji bo lêkolîna tohmetên komên AKP´î yên li dijî hev, Wezareta Turîzm û Çandê ya tirk du mufetiş wezîfedar kirin. Her du mufetişan, li miduriyetê kirinên biguman ên nêzî 30 milyon TL'yî tespît kirin. Di pêvajoya lêpirsînê de midurê muzeyê Vehbî

Yûrt ji peywirê hat girtin. 

Li gorî tohmetan, Vehbî Yûrt sala 2018'an arkeologên nêzî xwe yên Azad G. û Mevlut Ç. ji bo kolanên li devera ku bendava li ser Çemê Ambarê wê lê bê avakirin wezîfedar kirine. Li gorî qanûnî diviyabû, arkeolog bi dorên diyar li kolanên cuda jî bihatana wezîfedarkirin lê cihê her du arkeologan nehatiye guhertin. Yûrt, Azad G. û Mevlut Ç. li şûna 20 ta 40 karkeran wan qederê 150 karker dane xebitandin. Tevî ku gelek karker neçûne kar jî mûçeyê wan hatiye razandin. Tohmet jî ew e ku Yûrt, Azad G. û Mevlut Ç. ev pereyê hanê di navbera xwe de parve kirine.