Rêxistina Koçê ya Navneteweyî (IOM) ragihand ku li peravên Lîbyayê keştiyek koçber tê de bûn noqî binê avê bû. Hate ragihandin ku zêdeyî 60 koçber winda ne ku bi fikar in, hemû mirine. Li gorî daxuyaniya ofîsa Lîbyayê ya ÎOM'ê, keştî piştî ku ji Zuwara ya ji bakur rojavayê Lîbyayê bi rê ket, li ber pêlên bilind ên deryayê ket û noqî binê avê bû. Di daxuyaniyê de hate ragihandin ku li gorî gotina yên sax mane, di keştiyê de nêzî 86 kes hebûn. IOM'ê diyar kir ku jin û zarok jî di nav de piraniya koçberên di keştiyê de ji Nîjerya, Gambiya û welatên din ên Efrîkayê bûn. Hate ragihandin ku 25 kes hatine rizgarkirin û li Lîbyayê birine navendeke binçavkirinê.
Lîbya û Tûnis ji bo çûyîna Ewrûpayê ya di ser Îtalyayê re du rêgehên esasî yên metirsîdar in. Berdevkê IOM'ê Flavîo Dî Gîacomo li ser hesabê xwe yê medya dijîtal daxuyaniyek da û ragihand ku îsal li Derya Spî ya Navîn zêdeyî 2 hezar û 250 mirov mirin. Dî Gîacomo got, "Hejmareke dramatîk e ku mixabin nîşan dide, ji bo rizgarkirina ji deryayê hewldanên têrker nehatine kirin."
NAVENDA NÛÇEYAN
