Jinên Lîbyayê rola xwe bi hêz dikin

Jinên Lîbyayê bi armanca ku di saziyên hikumetê de zelaliya fînansî zêde bikin, çalakiyan li dar dixin. Di heman demê de hewl didin asta hişyariya malî û aborî di nava gel û hikumetê de zêde bikin, di têkoşîna li dijî gendeliyan de roleke girîng dilîzin.

Jinên Lîbyayê, balê dikşînin ser rola jinên ku di saziyên kontrolê yên weke Saziya Kontrola Îdarî û muhasebê de. Diyar kirin ku destekê didin hewldanên têkoşîna li dijî gendeliyan. Da zanîn ku ragihandina bi awayekî bi rêk û pêk a dahatê, bi awayek zelal û di kêmkirina gendeliyan di saziyên civakî de gavek girîng e.

Jin dikarin rolên girîng bilîzin  

Seroka Rêxistina Meras a pêşketinê Basma El- Werfelî diyar kir ku roleke girîng a jinan di têkoşîna li dijî gendeliyan de heye, li gorî wê ev têkoşîn ji malê dest pê dike û got: “Jin zarokên xwe bi nirxên rast û exlaqî mezin dikin, ev jî sûdê dide di pêşerojê de di saziyên hikumet û civakê de bibin kesên li dijî gendeliyan. Nifşên ku li ser bingehên baş û exlaqî mezin bibin, wê di jiholêrakirina gendeliyan de bibin xwedî bandorek mezin. Lîderên jin û endamên parlamentoyê, li bazarên taybet û civakî ji bo pêşî li gendeliyan bigrin, di derxistina zagonên hişk de dikarin rolên girîng bigrin.” 

Ji rêveberên projeyê Fedwa Muftah weke seroka nirxandina pêwîstiyan a Rêxistina Meras a Pêşketinê, hûrguliyên pêvajoyê wiha anî ziman: “Di çarçoveya vê projeyê de, li bajarên Bîngazî, Şehhat, Tobruk, Susa û Derna me rûniştinên civakî li darxist. Armanca me ew bû ku têkilya di navbera hemwelatî û şaredariyan de raste rast be û beşdariya civakê zêde bike bû.”

NÛJINHA/BÎNGAZÎ