Li Derya Spî 15 penaber xeniqîn

Nûçeyên Cîhan

Çarşem 13 Cotmeh 2021 - 01:16

Komîseriya Bilind a Penaberan a Neteweyên Yekbûyî (UNHCR) ragihand ku li peravên Libyayê 15 penaber di Derya Spî de xeniqî ne. 

UNHCR'ê li ser hesabê Twîtterê ragihand du keştî noqî avê bûne û 15 penaber di encamê de mirine.

UNCHR'ê diyar kir ku yekşemê bi şev bûyer qewimiye. Li gorî kesên bi keştiyan xwe gihandine paytexta Lîbyayê Trablûsê, 177 kes sax filitîne û gelek ji wan divê bên dermankirin.

UNHCR'ê da zanîn ku penaber ji bajarên Zwara û El Humsê yên peravên rojavayê Libyayê bi rê ketine. Pirraniya wan ji Sehraya Jêra Efrîkayê ne û hewl dane biçin Ewrûpayê. 

Ji sersalê û vir ve hejmara kesên li ser vê rêya penaberiyê di deryayê de xeniqîne û mirine, li gorî eynî dema sala 2020'an du caran zêdetir e.

Rêxistina Koçberan a Navnetewî Îlonê eşkere kiribû ku ji serê sala 2021’ê ve 1369 penaber li Deryaya Spî xeniqîne.

NAVENDA NÛÇEYAN 

parvê bike

   

Yeni Özgür Politika

© Copyright 2021 Yeni Özgür Politika | Mafên belavkirinê parastî ne.