Konvoya duyemîn bi rê ket

Konvoya duyemîn a alîkariyên mirovî ku gelê herêma Bakur û Rojhilatê Sûriyeyê kom kiriye, ji Qamişloyê ber bi herêma perava Sûriyeyê ve bi rê ket. Hevya Sor a Kurd duh ragihandibû ku wê konvoya duyemîn a alîkariyên mirovî ber bi herêma perava Sûriyeyê ve bi rê bike. Konvoya duyemîn a alîkariyan ku ji nêzî 14 hezar paketên xurekê, alavên tenduristiyê û ard pêk tê, ji Qamişloyê ber bi peravê ve bi rê ket. Konvoya yekemîn ku ji 10 hezar paketên xurekê pêk dihat, 17’ê Adarê ber bi perava Sûriyeyê bi rê ketibû û li mexdûrên êriş û komkujiyên li peravê hatibûn belavkirin.

ANHA