Katalan çûn serdana KNK’ê

Nûçeyên Dîaspora

Duşem 28 Sibat 2022 - 22:33

  • Konseya Komara Katalan a ku serokê berê yê Katalanyayê Charles Puigdemont jî di nav de ye, çû serdana Kongreya Neteweyî ya Kurdistanê (KNK).

Konseya Komara Katalan a ku serokê berê yê Katalanyayê Charles Puigdemont jî di nav de ye, çû serdana Kongreya Neteweyî ya Kurdistanê (KNK).

Prof.Dr. Josep Alay, akademîsyen Guillen Fuster, parlementer Sergi Miquel, zanyara siyasî Adria Alsina, Alba Bosch, parlamenterê serdema 12’an û 13’an a Parlamena Katalanyayê Aurora Madaula, parlementerê berê û Endamê Konseya Bajêr a Barcelonayê Antonio Castella di heyetê de cih girtin.

Piştî serdanê, Konseya Komara Katalan bi Konseya Rêveber a KNK’ê ya bi serokatiya Hevserokê KNK’ê Ahmed Karamûs re civiya.

Di civînê de li ser meseleyên Kurdistan û Katalanyayê pêşkêşî û agahdarî hatin kirin.

Civînê bi qasî çar saetan dewam kir û li ser bûyerên li Kurdistanê û pirsgirêkên Katalan û gelê Kurd jî alî sekinîn. Her du konseyan biryar da ku di navbera her du welatan de têkilî werin geşkirin, diyalog û hevkarî were zêdekirin.

Katalan destekê didin kampanyaya ji bo PKK´ê

KNK´ê her wiha ji ber ku Cotmeha bihurî Parlamena Katalanyayê fermî Rêveberiya Xweser a Bakur û Rojhilatê Sûriyê nas kir, malavahiya aliyê Katalan kir. Hevserokê KNK´ê Ahmet Karamûs da zanîn ku wan heyeta Katalan li ser kampanyaya derxistina navê PKK´ê ji lîsteya terorê agahdar kiriye û heyeta Katalan jî daye zanîn ew destekê didin kampanyayê. 

NAVENDA NÛÇEYAN

parvê bike

   

Yeni Özgür Politika

© Copyright 2023 Yeni Özgür Politika | Mafên belavkirinê parastî ne.