Li gorî nûçeyên di medya Iraqê de hatine parvekirin, balafirên şer ên Emerîkayê gelek depoyên çek, teqemenî û balafirên bê mirov li navçeya Meyadîn û Ebokemal ên ser bi parêzgeha Dêrezor ya Suriyeyê bombebaran kirin. Li gorî zanyariyên hatine belavkirin, depoyên ku hatin hedefgirtin, yên koma bi navê Nucebayan bûn û di wan depoyan de balafirên bê mirov, muşekên menzîl kurt û navîn hebûn.
Wezareta Parastinê ya Emerîkayê jî di daxuyaniyek de ragihand di êrişên asîmanî yên Emerîkayê de hêzên girêdayî Supayê Pasdarên Îranê û komên hevpeymanên Îranê yên li Suriye û Iraqê hatine hedefgirtin. Hat gotin êriş bi fermana serokê Emerîkayê pêk hatiye û wê Emerîka parastinê li leşkerên xwe û berjewendiyên xwe bike.
NAVENDA NÛÇEYAN
