Ji bo kampanyaya îmzeyê amade ne

Şêniyên bajarê Til Temirê di çarçoveya amadekariyên kampanya komkirina îmzeyan de ku dê li Sûriyeyê di çarçoveya kampanya “Ez dixwazim bi Abdullah Ocalan re hevdîtinê bikim” de dest pê bike, gotin ew amade ne tev li kampanyayê bibin.

Însiyatîfa ji bo azadiya Rêber Abdullah Ocalan bi koordîneya Însiyatîfa Parêzerên Sûriyeyê ya ji bo parastina Rêber Abdullah Ocalan, ji bo piştgiriya kampanya navneteweyî ya bi dirûşma  “Ez dixwazin bi Rêber Abdullah Ocalan re hevdîtinê bikim”, li herêmên Bakur û Rojhilatê Sûriyeyê gelek çalakî dest pê kirin.

Têkildarî kampanyayê, şêniyên herêma Bakur û Rojhilatê Sûriyeyê xwe ji bo kampanya komkirina îmzeyan amade dikin. Ji bo wê, komîteyên dilxwazî ava kirine ku nêrîn û helwestên der barê tecrîda li ser Rêber Abdullah Ocalan berhev dikin.

Şêniya bi navê Mehe El Salih a ji bajarê Til Temirê yê kantona Cizîrê got: “Ez jî dixwazim bi Rêber Abdullah Ocalan re hevdîtinê bikim. Ji ber ku ew hêviya me ye. Wî, baweriya me bi me li me vegerand ku em layîqî jiyana bi rûmet û azad in. Ez hêvî dikim ku wî bibînim û jê rasterast bibîsim.”

Mehe wiha domand: “Min bi rêya medya dijîtal, zanî ku ev kampanya heye. Ez amade me tev li kampanya îmzeyan bibin. Dîtina wî ji bo min, dîtina dîroka berxwedanê ye.”

Şêniyê bi navê Kemal Şêxmûs ê ji heman bajarî got: “Ez dixwazim bi Rêber Abdullah Ocalan re hevdîtinê bikim, ji ber ku fikrê azad û berxwedanê temsîl dike. Ez dixwazim wî spas bikim, ji ber ku gelek fedakarî ji gelên herêmê re kirin.”

Şêniya bi navê Turfe El Îbrahîm jî got: “Ez hêvî dikim îro berî siber bi Rêber Abdullah Ocalan re hevdîtinê bikim. Ji ber ku xwedî projeya aştiyê û edaletê ye.”

ANHA/HESEKÊ/EBDULXENÎ EL HAMAN