Girewtişê îdarekaranê DBPyî ame protestokerdiş

• Dêrsim de hetê DBP, HDP û rêxistinan ra girrewtişê îdarekaranê DBPyî ame protestokerdiş û gazîya xoverdayîşî ameye kerdene.

Dêrsim de hetê DBP, HDP û rexistinan ra girewtişê îdarekaranê DBPyî ame protestokerdiş. Kuçeyê Hunerî de girse ame têhet û tîya de malûmatêk ame dayene. Hemserekê DBPyî yê Dêrsimî Murat Polatî dîyar kerd ke, operasyonê sîyasîyî wextêkî dergi ra nat dewam kenê.

‘Ma operasyonan qebul nêkenê’

Murat Polatî va, “Ma operasyonan qebul nêkenê. Bi rehîngirewtişan ma game têpîya nêerzenê. Man ê operasyonan şermezar kenê. Hêza ma ya birêxistine do wezîfeyê xo weçînitiş de zî biyara ca. Ma do operasyonanê ke vera şarê Kurdî û cinîyan benê qebul mekerê. Vera polîtîkayanê şerî, vera zulmê hepisxaneyan û vera tedayanê sîyasîyan do xoverdayîşê ma timûtim dewam bikero.”

Polatî dima qetilbîyayîyanê Qetlîamê Roboskîyî yad kerdê û va, “Qetlîamê Roboskîyî de kerdoxî nêvejîyayê meydan, qetilkaran hesab nêda û wazenê serê qetlîamî bigerê. Ma qetilbîyayîyan bi hurmetî yad kenê û seba ke qetilkarî eşkera bibê û hesab bide, ma do heta peynîye xoverdayîşê xo biramnê.”

MA / DÊRSIM