- Çalakiyên 8´ê Adarê li gelek navendan dest pê dikin. Di çalakiyan de hem têkoşîna jinan a ji bo azadiyê û hem jî têkoşîna li dijî siyaseta tecrîdkirinê tên îfade kirin.
Çalakiyên 8´ê Adarê li Kurdistanê dest pê kirin. Hevseroka Şaredariya Binarê Qendîlê Awaz Îsmaîl bang li jinên Başûrê Kurdistanê kir da ku di 8’ê Adarê de, li Binarê Qendîlê tevlî pîrozbahiya 8’ê Adarê bibin. Tevgera Jinên Azad (TJA) jî li Sêrt û Hezexê çalakiyên 8’ê Adarê dan dest pêkirin. TJA´yê tecrîdkirina Ocalan û qirkirina jinê protesto kir, bal bire ser girîngiya xweparastinê.
Hevseroka Şaredariya Binarê Qendîlê, Awaz Îsmaîl bang li jinên Başûrê Kurdistanê kir da ku di 8’ê Adarê de, li Binarê Qendîlê tevlî pîrozbahiya 8’ê Adarê bibin.
Bi hatina 8’ê Adarê Roja Jinên Kedkarên Cîhanê re, jinên Binarê Qendîlê xwe ji bo pîrozbahiya 8’ê Adarê amade dikin.
Rêxistina Jinên Azad ên Kurdistanê (RJAK) wê 8’ê Adarê Roja Jinên Kedkar ên Cîhanê, li Binarê Qendîlê ahengeke pîrozbahiyê li dar bixe.
Hevseroka Şaredariya Binarê Qendîlê Awaz Îsmaîl bang li hemû jinan kir da ku di 8’ê Adarê de tevlî pîrozbahiyê bibin.
Awaz Îsmaîl got; “Emê îsal bi dirûşemeya ‘Bi ruhê berxwedana Îmralî û serketina Garê’ li Binarê Qendîlê 8’ê Adarê pîroz bikin.”
Kulîlkên 8´ê Adarê li Şirnex û Sêrtê vedan
Li navçeya Şirnexê Hezexê, bi pêşengiya TJA û Meclîsa Jinan a HDP'ê û bi tevlîbûna parlementera HDP'ê ya Mûşê Gulistan Kiliç Koçyîgît, Parlamentera HDP'ê ya Şirnexê Nuran Îmîr, Meclîsa Jinan a Rêxistina HDP'ê ya Mêrdînê, aktivîstên TJA'yê, rêxistinên HDP'ê yên navend û navçeyên Şirnexê û gelek jinan li ber avahiya rêxistina HDP'ê ya Hezexê çalakiyên 8'ê Adarê Roja Jinan a Cîhanê dan destpêkirin. Jin bi kincên xwe yên neteweyî beşdarî çalakiyê bûn. Tevî astengiyên polêsan hemûyan jî jinan daxuyanî da. Di daxuyaniyê de pankarta "Em li hemberî qirkirina jinê û li hemberî tecrîdê azadiyê diparêzin" û dovîzên "Em li dijî şidetê xwe diparêzin, azadiya jinê dê tecrîdê têk bibe" hatin hildan.
Hevseroka Rêxistina HDP'ê ya Elkê Beybûn Aslan daxuyanî xwend. Aslan di destpêka axaftina xwe de bal bire ser wate û girîngiya 8'ê Adarê: "Li dijî desthilatdarên ku êrişî zimanê me, bedena me, nasnameya me, çanda me, xwezaya me, aborî û destkeftiyên me dikin û bi vî awayî hebûna xwe didomînin, ji destpêka dîrokê heta niha, me bi bipêşxistina têkoşîna xwe bersiv da. Em ê têkoşînê mezin bikin û azadiyê pêk bînin."
Aslan di dewamê de got, "Têkoşîna me bi pêşengiya Sarayan dest pê kir û wê bi berxwedan û têkoşîna wan bidome. Cihê kêfxweşiyê ye ku me şoreşa jinan a Rojava diyarî jinên cîhanê kir."
Daxuyanî bi gerandina govendê û dirûşmeyên "Jin jiyan azadî, bijî berxwedana zindanan" bi dawî bû.
Em ê qedexeyê pûç bikin
Li Sertê Tevgera Jinên Azad (TJA), bi boneya 8'ê Adarê bi dirûşma "Li dijî qirkirina jinê jiyanê li dijî tecrîdê em azadiyê diparêzin" daxuyanî da. Komeleya Jinê ya Rosayê, aktivîstên TJA'yê, Meclîsa HDP'ê, Serokwekîla Komê ya HDP'ê Meral Daniş Beştaş, Parlamentera HDP'ê Feleknas Ûca, Parlamentera HDP'ê ya Amedê Remziya Tosun û hevserokên bajar û navçeyê beşdar bûn. Pankartên "Ji qirkirna jinê re na" û bi dowîza "Jin jiyan azadî" hatin hilgirtin.
Polêsan hewl da daxuyaniyê asteng bikin, lê jinan daxuyanî da.
Meral Daniş Beştaş got, "Desketiyên jinan di bin êrişan de ne. Em ê van destketiyan biparêzin."
Şîlan Kan jî daxuyanî xwend: "Em ê bi serhildana xwe polîtîkayên qedexeyê pûç bikin. Serîhildana "Sara" û hevalên wê, dê hinceta jiyaneke nû be."
NAVENDA NÛÇEYAN
