DEM Partî: Roja rojnamegerê ke rûmetê karê xo pawenê pîroz bo

DEM Partîye derheqê 10ê Çeleyî Roja Rojnamegeranê ke Xebitîyenê de eşkerayîye kerde.

DEM Partîye derheqê 10ê Çeleyî Roja Rojnamegeranê ke Xebitîyenê de eşkerayîye kerde. Bi eşkerayîye, roja kedkeranê çapemenîye ameye pîrozkerdene.

Eşkerayîye de ame vatene ke, “Na roje de çi heyf o ke rojnamegerê ke nêşkenê bixebitîyê, heqê înan yeno xesb kerdene, vera na rewşe xover danê. Heqê fikrî û rastîyan neqilkerdişî yenê binpaykerdene. Rojnamegerê ke heqîqetî vanê hedef gêrîyenê. Xeylê rojnamegerî karanê xo ver gêrîyenê binê çimî, yenê girewtene û nêşkenê karê xo b ikerê. Hetêk ra zî Serektîya Têkilîye ya Serekkomarîye sazîyanê manîpulatoran ser ra raştîyan serûbin kena.”

Rojnamegerê ke wayîrê rûmetê karê xo vejîyenê

Dewamê eşkerayîye de ame vatene ke, “Rojnamegerê ke wayîrê rûmetê karê xo vejîyenê nêverdenê faşîzm her ca ra vila bibo. Tayê rojnamegerî çi beno wa bibo, rêça heqîqetî ra şonê û gamêke zî têpîya nêerzenê. Ê ambargoya îqtîdarî ra vîyarenê û raştîyan rasnenê şarî. Nê rojnamegerî hêvîya demokrasî û azadî yê. Ma roja rojnamegerê ke rûmetê karê xo pawenê pîroz kenê.”

MA / ENQERA