Çûne Nawzeng u duwaye dîdar legel Dr. Sadiq Şerefkendî

Sazmanî Înqîlabî u Kurdistan(98)
Beşêk le hevpeyvînî hemîd şewket  legel Muhsîn Rîzwanî Awirêk le bizûtnewey çepî  Iran le nawewe, Hemîd  Şewket,Çapî yekem:1384 / 2005  zayînî
Bilaw kerewe: Murtezewî 

Şewket: Çend roj le rê da bûn?
Rîzwanî: Ta bigeyne meqerî Mam Celal 17 rojî pê çû. Le rêga degeyiştîne her şwênêk pêşmergekan deyangut bo deçne 'Iraq, boçî lêre namênnewe, û ême neman dezanî çi wulamêk bideynewe.
Her çonêk bû, ta bigeyne meqerî Mam Celal sextîyekî zorman bînî. Xalbe bo ewey rûberûy pasdaran nebîn, be şew decûlayn û ew hemû maweye le ser piştî êstir bûn, ewîş bo kesanî ewtoy ke ezmûnî wayan nebû, karêkî hasan nebû. Carî wa bû pêman ewende dêşa ke arezût dekird çend lehezeyekîş bê pişû bidey û wehesêy û ca eger şarezake îznîşî da ba pêyekanit ewende wîşk helatbûn ke net detuwanî le pişt êstrekeş dabezî. Be kurtî be her çarereşîyek bû xoman geyande meqerî Mam Celal le Nawzeng. Ew le ber hêze 'Iraqîyekan, meqerî xoy le xakî ew wulate da becê hêştibû û hatbuwe nawçeyek be nawî Nawzeng ke le xakî Iran da helkewtibû. Her lewê dîdarman kird legel wî, 'Ebdula Muhtedî û fermandey nîzamî Komele. Be ruwalet egerrçî muwafeqetî nekird bû bo çûnî ême bo Bokan, belam amade bû çawî pêman bikewê.
Lew dîdare da Mam Celal be germî le male xoy pêşwazî lê kirdîn û her lewê Muhtedî û berpirsî nîzamî Komeleman dî. Duway çakuxoşî asayî rû be Muhtedî gutim: "nazanim pêwaney dawerî kirdinî êwe çîye? Belam êsta bo ême meseley man û neman le gorê daye û her rojêk lewaneye kurekanî ême bikûjrên. Leber ewe ber le her giftugoyek debê bew meseleyewe biçarêyn û bizanîn çon detuwanîn bo ragwastinî hawrêyan û kaderekanî hîzb le êwe yarmetî werbigrîn?

Şewket: Wulamî Muhtedî çi bû? 
Rîzwanî: Ber lewey ke Muhtedî qise bika Mam Celal gutî: "emin qisekanî kak 'Elî teîyd dekem. [Kurdekan be Rîzwanî yan degut kak 'Elî , şîkirdnewey Şewket] Em hawrêyane zor heleyan kird û herçî gutim gwêyan nedamê. Belam dostî minin û le konewe deyannasm û debê yarmetî bidrên." Ew le kotayî qisekanîşî da hêndêk şitî gut sebaret be pêwîstî yekgirtinî hêze çepekan.
Katêk norey qise geyişte Muhtedî, basî nuxte nêgatîvekanî siyasetî êmey kird û gutî: "debê be şêweyekî cîdî rexne le xoman bikeyn û ew rexneye bixeyne ber dawerî giştî." Ew car belênî da bo ragwastinî hawrêyanman bo Kurdistan hêndêk yarmetîman pê bika egerçî day girtewe çilonayetî ew hengawe debê legel hawrêyanî rêberayetî Komele bihênête gorê û bîruray ewanîş werbigrê. Berpirsî nîzamî Komele ke lew dîdare da beşdar bû, hîçî nedegut. Belam wêdeçû katêk gutman siyasetekanî ême le rabirdû da hele bûwe û rexne le xoman degrîn, bîrurakanî êmey qubûl kirdbê.

Şewket: Yaremetîyekanî Komele be êwe çilon bû?
Rîzwanî: Sereray belênêkî ke 'Ebdula Muhtedî pêy dayn hîç yarmetîyekyan nekird.

Şewket: Boçî le Hîzbî Dêmokratî Kurdistan yarmetîtan wernegirt?
Rîzwanî: Katêk dîtman hîwa bûn be Komele bê faydeye, dawaman le Mam Celal kird derfetî pêwendî ême legel Qasimlû û Hîzbî Dêmokrat amade bika. Ewîş le maweyekî kurt da ew derfetey pêk hêna û çek û cilubergî Kurdî le ber dest nayn û legel çend pêşmerge le nizîk Mehabad çawim be Duktur Se'îd kewit. Lew tarîxe da Qasimlû le Mehabad nebû.

Şewket: Duktur Se'îdit pêştir dîtbû?
Rîzwanî: Na bo yekem car bû demdî. Belam le ber ewey le Îngilîstan dersî xwêndibû bîrewerî hawbeşman hebû ke giftgo sebaret bewan zor zû û bexêrayî nizîkî le naw ême da pêk hêna [dyare, lêre da Rîzwanî heley kirdûwe duktur Se'îd Bedel (Sadiq Şerrefkendî) le Feranse – Parîs le buwarî şîmî da dukturay wergirt. Le mawey manewey le Parîs serî Îngilîstanî da û leber zanyarî giştî xoy, tenanet le ser mêjûy Îngilîstan û agadarî le ser xebatî konfêdrasyonî xwêndkaranî Îranî lew wulate le zemanî şa lewaneye legel Rîzwanî basî Hesen Cîdarî têkoşerî nasrawî konfêdrasyonî kirdbê – H.Q.] Se'îd be rep û rû, belam be nermîyekî taybetî legel helekanî ême rûberû bû û belênî da her yarmetîyekî ke le destyan bê tenexî neken û le rastîş da wayan kird. Ewan bo ragwastinî hawrrêyanî ême bo Kurdistan yarmetî karîgeryan be ême kird. Bew pêye wurde wurde le Kurdistan cêgîr bûyn û le Nawzeng ke be kirdewe fermandeyî hêzekanî Yekêtî Nîştimanî Kurdistan be serokayetî Mam Celal ragwêzrabû bo ewê jiyanêkî tazeman dest pê kird.

Şewket: Lew nawe da çuwar kes le endamanî komîtey dayimî defterî siyasî hîzb, wate 'Elî Sadiqî, Hûşeng Emîrpûr, Mecîd Zerbexiş, û Bêhrûz Rad be bê amadeyî to kobûneweyekyan pêk hêna û pesindkirawêkyan pesind kird ke dewrêkî naskî gêra le çarenûsî Hîzbî Rencberan da. Ew pesindkirawe ke be belgey Reşemey 1360 [Fêwrîyey 1982 î zayînî ] nawbangî derkird, le buwarî meseley rêkxistin da komîteyekî katî bo mawey şeş mang helbjard ta erkekanî rêberayetî hîzb encam bda. Nuxtekanî dî, terxan krawin bo ew biryaraney lemer ragwastinî destbecêy endamanî komîtey dayimî defterî siyasî û ragwastinî bere berey endamanî komîtey nawendî ye bo Kurdistan. Babetî tedarekî kongirey duwemî hîzb le Kurdistan, berewpêş birdinî karî cemawerî û karî çekdarane û dabînkirdinî serçawey darayî lew pinktaney dîken ke le belgey Reşemey 1360 da rawesteyan le ser kirawe . Bîr u rat çîye le ser ew pesindkirawe?

Dirêjey heye....