Di roja 2ʹyemîn a Mihrîcana Şehîd Yekta Herekol de şanoya ʹÇentê Wesoʹ ya Hîlala Zêrîn hat nîşandan.
Bi tevlêbûneke balkêş a hezkiriyên şano, rewşenbîr, hunermend û hemû beşên civakê, Mihrîcana Şehîd Yekta Herekol a 6´an di roja duyemîn de li Navenda Çand û Huner a Mihemed Şêxo ya bajarê Qamişloyê dewam dike.
Di roja duyemîn de Koma Darsî ya ser bi Tevgera Hîlala Zêrîn a taybet a jinan a kantona Hesekê, şanoya ʹÇentê Wesoʹ derxist ser dikê.
Şano behsa çîroka malbatekê dike ku di şoreşa Rojava de di nava saziyan de cih girt û li gorî berjwendiyên şêxsî cihê xwe bi kar tîne. Ji bo vê malbatê xizmetkarek kar dike û mafên wê tên binpêkirin. Şano vê nameyê dide ku jiyan û kar ne ji bo komkirina serwetan û înkarkirina mafan e. Lê ji bo xizmta civakê û pêkanîna armancên rast e.
Biryar bû ku şanoya ʹKontayinerʹ jî hatiba nîşandan lê ji ber kom a ji Helebê amade nebû, şano hat betalkirin.
Mihrîcana Şehîd Yekta Herekol wê heta destpêka Nîsanê dewam bike.
ANHA/QAMIŞLO