Bi balefiran kolber qetil kirin
Sêşem 21 Îlon 2021 - 01:49
Balafirên şer ên dewleta Tirk a dagirker komek kolberên li ser sînorê Urmiye û Wanê bombebaran kirin. Di encamê de 2 kolberan canê xwe ji dest da, 2 kolber birîndar bûn û 8 jî hatine girtin.
Balafirên şer ên dewleta Tirk a dagirker li ser sînorê Urmiye ya li Rojhilatê Kurdistan û Wan a li Bakurê Kurdistanê, komek kolber bombebaran kir.
Li gorî agahiyên ji herêmê, balafiran koma kolberan li gundê Kuranî yê ser bi herêma Soma ya Biradost a li parêzgeha Urmiye ya Rojhilatê Kurdistanê, bombebaran kiriye.
Çavkaniyên ji herêmê ji Rojnewsê re ragihandin ku di encama bombebaranê de 2 kolberan canê xwe ji dest daye û 2 jî birîndar bûne.
Heman çavkaniyan da zanîn ku 8 kolberên din jî ji aliyê leşkerên artêşa Tirk a dagirker ên li ser sînor ve hatine girtin.
NAVENDA NÛÇEYAN