163 caran êriş kirin

Bi nêzîkbûna hilbijartinên 14`ê Gulanê yên li Tirkiyeyê re, dewleta Tirk a dagirker û çeteyên wê di meha Nîsanê de 163 êrişên bejahî û hewayî pêk anîn, balafirên artêşa Tirk jî 675 caran qada hewayî ya herêmê derbas kir.

Êrişên dewleta Tirk a dagirker û çeteyên wê yên li dijî herêmên Bakur û Rojhilatê Sûriyeyê yên bi balafirên bêmirov ên biçek û çekên giran, dewam dikin. Bi nêzîkbûna hilbijartinên parlamentoyê û serokkomariyê yên Tirkiyeyê re ku dê 14`ê Gulanê werin lidarxistin, ev êriş zêdetir bûne.

Bîlançoya meha Nîsanê

Li gorî ajansa ANHA’yê, bîlançoya  Nîsanê ya êrişên dewleta Tirk adagirker ên li dijî herêmên Bakur û Rojhilatê Sûriyeyê bi vî rengî ne:

* Balafirên bêmirov ên biçek 643 caran li ser herêmê geriyan.

* Balafirên şer 25 caran li asîmanê herêmê firiyan.

* Helîkopterên şer 7 caran li ser herêmê geriyan.

* 5 êrişên bi balafirên keşfê yên biçek pêk hatin.

* 85 êrişên bejahî yên bi topavêjan pêk hatin.

* 51 êrişên bejahî yên bi çekên navîn pêk hatin.

* 22 êrişên bi moşekan pêk hatin.

NAVENDA NÛÇEYAN