Tenê bi berxwedanê dewleta Tirk wê bişike

În 10 Hezîran 2022 - 21:27

  1. Li hemberî gefên dewleta Tirk a dagirker, xelkê navçeya Til Rifetê dibêje, ji bilî berxwedanê ti rêyên din ji bo têkbirina pîlanên Tirkiyê nînin. 

Li hemberî gefên dewleta Tirk a dagirker, xelkê navçeya Til Rifetê dibêje, ji bilî berxwedanê ti rêyên din ji bo têkbirina pîlanên Tirkiyê nînin. 

Li gel gefên pêkanîna dagirkirineke nû li Sûriyê, artêşa Tirk a dagirker hêzên xwe li derdora Til Rifet, Minbic, heta gundewarê Babê û yên başûrê Efrînê yên dagirirî zêde dike.

Heman demê êrişên xwe li ser cihên sivîlan ên Bakur û Rojhilatê Sûriyê, bi çekên giran û balafirên bi çek ên bê mirov didomîne.

Xelkê navçeya Til Rifetê ya kantona Şehbayê, dibêje ew bi berxwedanê ve girêdayî ne û ew ê dev ji bajarê xwe bernedin.

Bedirxan Kilota dibêje, ruxmî tevahiya hewldan û gefaxwarinan jî ew ji malên xwe dernakevin. Kilota da zanîn ku ew ê li hember êrişan bisekinin û got, rêya yekane ya têkbirina êrişên dagirkeriya Tirk û çeteyên wê, ew e ku li gorî rêgezên şerê gel ê şoreşgerî milet xwe bi rêxistin bike. 

Fatime Mihemed jî got, xelkê Til Rifetê li hemberî topbarana rojane li ber xwe dide. Wê her wiha got, dewleta Tirk a dagirker şerekî çapemeniyê li dijî herêmê dimeşîne, ji bo ku vîna xelkê bişikîne, lê belê berxwedana gel heta bidestxistina azadiyê wê dewam bike. 

ANHA/ŞEHBA

parvê bike

   

Yeni Özgür Politika

© Copyright 2022 Yeni Özgür Politika | Mafên belavkirinê parastî ne.