Şirîkên PDK’ê Hewlêr şewitandin

Pêr di saetên sibehê de carek din agir bi bazara Lenge ya Hewlêrê ketibû. Ji ber şewatê zêdetirî 60 dikan şewitîn. Şevê din di saetên dereng de komeke tundrew û nîjadperest a Tirk bi navê Rêxistina Peymana Mîllî bi daxuyaniyekê berpirsyartiya şewata li bazara Lengê girt ser xwe. Di daxuyaniya koma nijadperestên Tirk de tê gotin:“Me agir bi dilê Kurdên tirsonek xist, me li 16 cihên cûda yên bazarê agir pêxist û tine kir.”

Hêjayî bibîrxistinê ye beriya niha jî li bazara Ehmed Axa ya Kerkûkê, bazara Lenge ya Hewlêrê û bazara Çelê ya Dihokê şewat derketibûn û ziyanek mezin bi dikanên xelkê çêbibû. Piştî van her sê bûyeran jî heman koma faşîst a Tirk berpirsyartiya bûyerê girtibû ser xwe û gotibû:“Evane herêmên me ne, em ê vegerin û ala Tirk li wan herêman bilind bikin.”

ROJNEWS