Romana ku nivîskara wê Vîrgînîa Woolf bi xwe gotibû, "Ev yekem xebata min e ku min bi şêwaza xwe nivîsand", niha êdî bi kurdî ye. Pirtûk ji aliyê Hezar Îsmaîl ve ji Ingilîzî bo kurdî hatiye wergerandin û ji Weşananên Na derket.
Ji romanê paragrafek: "Û di hundirê min de pêl hevraz dibe. Diqepişe; pişta xwe qeloz dike. Û ez careke din ji xwestekek rû haydar dibim, tiştek di bin min de mîna hespê serbilind hildipere, ku siwarê wî pêşî wî mêmûz dike û paşê ser hefsarê wî kaş dike. Tu yê ku ez niha li ser pişta wî siwar dibin, kî ye ew dijminê li hember me pêş vediçe, dema em li ser vê peyarê rawestîne? Ew mirin e. Mirin dijmin e. Mirina ku li hember wê min daye zergehê, lê porê min ku wekî porê xortekî paş ve çedibe, wekî porê Persival, dema da çar piyan çû Hindistanê. Vêga hespê xwe mêmûz dikim. Ez ê rast werim hemberê te, bêyî ku têk biçim an jî serê daxînim, Hey mirinê!"
Vîrgînîa Woolf kî ye?
Nivîskar Virginia Woolf di sala 1882'yan de hatiye dinê û di sala 1941'ê de întîxar kiriye û miriye. Ew wekî femînîst, nivîskar, romanivîs û rexnegir tê nasîn.
Di 13 saliya wê de diya wê ji ber nexweşiya giran dimire. Woolfê naşînin dibistanê lê ew xwe pêş dixe. Xwişka wê ya biçûk hê di biçûkatî de dibêje ezê bibim ressam, ew jî dibêje ezê bibim nivîskar. Yekem kurteçîroka wê di sala 1895'an de li rojnameyê belav dibe.
Ew d sala 1912'yan de ligel Leonard Woolf dizewice. Leonard Woolf ji bo jina xwe çapxaneyê ava dike, pirtûkên Vinginia Woolg li wir çap dibin. Dora 15 pirtûkên wê hene ku "Pêl" yek ji wan e.
DIYARNAME
parvê bike
Nûçeyên ku dikare bala we bikşîne
