ROZA METÎNA
Ava Dêrsimê ya hênik, kulîlkên wê yên curbecur û rihê wê yê serhildêr hêviyeke mezin di dil de diafirîne. Dîroka kevnar û berxwedêr di xwezaya Dêrsimê de dide der. Her dar li ser koka xwe şîn dibe. Her kulîlk ji rihê axa xwe ya bi bereket bi rih û can dibe. Kulîlk, dar, şênkahiya bajarê dîrokî yê Dêrsimê û dîroka vî bajarî ya kevnar jî bi dewlemendiya xwe rih dide her mirovên ku lingê xwe diavêjin ser vê axê. Dengê ava diherike û bêhna kulîlkên bajarê qedîm û dîrokî yê Dêrsimê bi wêne û bi dîmenên xwe her tim bandoreke mezin li ser binhişiya mirovan dike. Her wiha aramiyekê di dil de bi cih dike. Navê aramiya dil xwezaya Dêrsimê ye…
