Ji welatên Elmanya, Swîsre, Fransa, Ingilîstan, Spanya, Îtalya û Bolîvyayê qederê 40 înternasyonalîstî, tevî qederê 200 ciwanên Kurd ji bo azadiya fizîkî ya Rêber Abdullah Ocalan ev çar roj in dimeşin. Meşa Azadiyê ya ciwanan îro bi dawî dibe.
Ciwanên Kurd û yên înternasyonalîst ji bo doza azadiya fizîkî ya Rêber Abdullah Ocalan bikin, 3´ê Îlonê Konferansek li bajarê Duisburgê li dar xistibûn û 4´ê Îlonê jî Meşa Azadiyê dabûn destpêkirin. Meşa Azadiyê di roja xwe ya 4´an de yanî doh ji Neussê ber bi Dusseldorfê ve dewam kir. Ciwan 15 kîlometreyan meşiyan.
Ciwanan li Dusseldorfê şehîdên Tevgera Azadiya Kurdistanê yên ji Ewrûpayê tevlî nav refan bûbûn, Şehîd Delîl Çiyager, Şehîd Seher Deniz, Şehîd Dîdar Harûn û şehîdên înternasyonalîst Elefteria Hambia û Azad Şerger bi bîr anîn. Wan di şexsê van şehîdan de şehîdên Tevgera Azadiyê hemû bi bîr anîn.
Meşa ciwanan îro bi coşa ciwanan û bi sloganên “Bê Serok jiyan nabe, Jin jiyan azadî” dewam dike; qonaxa îro di navbera Kolnê û semta wê Mulheimê de ye. Ciwan wê çalakiya xwe êvarê li Mulheimê bi dawî bikin.
DUSSELDORF / KOLN
parvê bike
Nûçeyên ku dikare bala we bikşîne
