Kedkarê bazarê berhemanê kehen û folklorîkan paweyê eleqayî yê

Bazarê berhemanê kehen û folkrorîkan ê Silêmanîyeyî meymananê xo paweno.

Bazarê berhemanê kehen û folklorîkan ê Silêmanîyeyî berhemanê modernîteya sermayedarîye ver eleqayê elzemî nêvîneno. Kedkarê nê bazarî paweyê eleqayî yê.

Bazarê berhemanê kehen û foklorîkan ê Silêmanîyeyî de berhemê 100 serreyî estê. Merdim ewnîyeno înan ra Silêmanîyo kehen yeno vere çimanê merdimî. Bazarî de; xalîyê pîlî, xalîyê qijkekî, xemlê keyeyî, heqibeyî, çentikî, tabloyê kehenî û xeylê berhemî binî merdimi ra çim şiknenê. La kedkarê bazarî vanê eleqa bîyo kêmî û paweyê elaqayî yê. 

Kedkaranê bazarî ra Aram Îsmaîl vano, “Berhemê ma dew û qezayanê Kurdistanî ra yenê. Ez 20 serran ra nat nê karî kena û ez kare x ora zaf hes kena. A bazarê berhemanê folklorîkan teng bîyo. Şar hîna zêde verê xo dano çîyanê modernan. Tayê berhemê ma 100 serre yê. Nê berhemê kehenî berhemanê newîyan ra hîna zixm ê.”

Mamê Ezîz Ebdulla tewr emir pîlî yê nê bazarî yo û pêro wextê xo vernîyê dikanê xo de vîyarneno. Mamê Ezîz Ebdulla vano, “Viraştişê berhemanê folklorîkan modernîteya sermayedarîye ver kewto. Nîya şêro kulturê ma yo Kurdewarî do bikewo taluke. Verî cinîyan berhemî viraştêne la nika ê zî nêvirazenê. Ez bawer kena sebeb modernîte yo.

Kedkarê nê bazarê kehen û Kurdewarîyî paweyê ke welatîyî hîna zêde verê xo bidê berhemanê înan.

ROJNEWS / SILÊMANÎYE