Ji bo mitînga Esenyurtê bang

Ahmet Tuzun ê DEM Partiyî banga tevlibûna mitînga li Qada Esenyurtê kir û got ku dê li dijî sepanên bêhiqûqî dengê xwe bilind bikin.

Partiya Wekhevî û Demokrasiyê ya Gelan (DEM Partî), Partiya Tevgera Kedkar (EHP), Partiya Kedê (EMEP), Federasyona Meclisên Sosyalîst (SMF), Partiya Karkeran a Tirkiyeyê (TÎP) û Partiya Azadiya Civakî (TOP) dê di 25’ê Cotmehê de li Qada Esenyurtê ya Stenbolê bi dirûşma “Ji bo ked, aştî, edalet û em bi hev re têbikoşin” mitîngê li dar bixe. Hevserokên giştî yên partî û komeleyên mitîngê li dar dixin dê di axaftinên xwe de balê bikişînin ser pirsgirêkên sereke yên Tirkiyeyê. Bangên tevlibûna mitîngê jî didomin.

Hevberdevkê Komîsyona Rêxistinên Civaka Sivîl a DEM Partiyê ya Stenbolê û Serokê Komîteya Amadekar a Mitîngê Ahmet Tuzun, got ku aştî û azadî ne tenê ji bo Kurdan lê ji bo hemû gelan û kesên edaletê dixwazin e û got: “Zextên piralî yên îktîdarê didomin. Di serdemeke cînayetên kar, qirkirina li dijî jinan û xizanî zêde dibe de em ê ji bo rizgariya ji vê rewşê li qadan bin. Em bang li hemû gelan dikin ku di 25’ê Cotmehê de tev li mitînga me bibin.”

MA / STENBOL