Êrîşa ser Nav-Berlînê hate şermezarkirin

Tevgera Ciwanan girtina bi ser Nav-Berlînê de û hewldana şewitandina navendê şermezar kirin. Ciwanan diyar kirin dewleta Elman bi polîtîkayên krîmînalîzekirinê saziyên Kurdan dike hedef.

Girtina polîsên Elman a bi ser Nav-Berlînê de ya li paytexta Elmanya Berlînê li nav raya giştî ya Kurd a li Elmanya bû sedema nerazîbûnan. Li bajarê Elmanya Stûttgartê Tevgera Ciwanên Kurd Tevgera Ciwanên Şoreşger ve (TCŞ) û Jinên Ciwanên Tekoşer (TekoJIN) polîtîkaya krîmînalîzekirina saziyên Kurdan û hewldana şewitandinê ya Nav-Berlînê şermezar kirin.

Ciwanan  li qada Kobanê daxuyanî dan û têkildarî êrîşên li ser Nav-Berlînê wiha gotin: “Roja Şemiyê bêyî biryara lêgerînê, polîsan bi ser avahiya komeleya Kurd a Berlînê de girtin û îro jî hewldana şewitandina komeleyê ne tesaduf e. Em gelê Kurd û hemû hêzên piştevaniya me dikin, êrîşa dewletê bi tundî şermezar dikin.”

Çalakî bi berzkirina dirûşmeyên “Bijî Serok Apo”, “Hoch die Internationale Solidarität” û “Turkei bombardiert – Deutschland finanziert” bi dawî bû.

ANF/STÛTTGART