Doza Narîn Guran: Pirs nehatine zelalkirin

• Danişîna yekem a doza Narîn Guran a hîn gelek guman û pirs bê bersiv mane û nehatine zelalkirin, wê di 7'ê Cotmehê de bê lidarxistin. Parêzer Berfîn Polat da zanîn ku rayedaran hê jî bersiva tu pirsan nedane û banga beşdariya danişînê kir.

Narîn Guran a 8 salî di 21’ê tebaxê de li gundê Çûliyê ya ser bi navçeya Rezana Amedê ve hatibû windakirin. Cenazeyê Narîn Guran piştî 19 rojan li çemê ango newala binê gund roja 8’ê îlonê hat dîtin. Îdianameya ku ji aliyê Serdozgeriya Komarê ya Amedê ve derbarê qetilkirina Narîn Guran amadekirin, ji aliyê 8’emîn Dadgeha Cezayê Giran a Amedê ve hat qebûlkirin. Di îdianameyê de ji bo mamê Narînê Salim Guran ê girtî, dayika wê Yuksel Guran, birayê wê Enes Guran û cîranê wan Nevzat Bahtiyar ji ber sûcê "Bi hevparî kuştina bi qestî ya zarokan” cezayê muebedê hat xwestin. Ji dosyeya cînayetê 8 kes girtî ne û dê bên darizandin.

Yekemîn danişîna dozê dê 7'ê Mijdarê li Dadgeha Amedê bê lidarxistin. Lê belê tevî ku cînayeta Narînê bû rojeva sereke ya raya giştî jî lê pişt perdeya têkildarî cînayetê hê jî bi tevahî nehatiye zelalkirin. Gelek guman û pirsên têkildarî cînayetê nehatine zelalkirin û kes nizane ku bûyer çawa qewimî ye û Narîn ji bo çi hatiye kuştin û windakirin.

 Baran Guran serlêdan paşde kişand

 Birayê Narînê yê mezin Baran Guran ku di qetilkirina Narînê de tenê ew ne gumanbar bû, di 16'ê îlonê de serî li Baroya Amedê dabû û daxwaza alîkariya hiqûqî kiribû. Baran Guran paşê daxwaza xwe paşve kişandibû û di 28’ê cotmehê de li ser medya dîjîtal parvekirinek pêk anî û xwedî li dayik û birayê xwe yê girtî derket. Baran Guran bi paşvekişandina daxwaza xwe pirsên di hişê raya giştî de zêdetir kir.

Rapora saziya tipa edlî ya Stenbolê

 Di rapora Saziya Tiba Edlî ya Stenbolê ku 20’ê îlonê hat eşkerekirin de, hat diyarkirin ku Narînê roja 21’ê tebaxê hatie xeniqandin. Raporê ji bo lêpirsînê şandin Serdozgeriya Komarê ya Amedê.

 Baroya Amedê bi sifata muştekî serî li darazê da

 Baroya Amedê bi sifata muştekî serî li darazê da, daxwaza baroyê di 3’yê cotmehê de hat qebûlkirin. Baroyê ji bo cînayeta Narînê were ronîkirin komîsyonek jî ava kir.

 Di îdianameya ku hatiye amadekirin de gelek guman hene û tevî guman û pirsên hene jî lêkolîn nehatiye kirin. Hema bêje di îdianameyê de ji gelek aliyan ve pirsên di nava raya giştî de bêbersiv hatine hiştin.

 Lêkolîn tune ye

 Di îdianameya 27’ê cotmehê hat qebûlkirin de gelek xemsarî-îhmalkarî cih digirin, lê belê cih nedane faîlên rast ango faîlan. Di îdianameyê de têkildarî îhmalkariyên qewimîne jî tu lêpirsînek ango karûbarek îdarî hatiye kirin nehatiye kirin cih negirtiye. Di îdianameya 14 rûpelî de behsa honandina bûyerê hatiye kirin û tenê cih dane Salîm Guran ku 9 rojan wek gumanbar hatiye dîtin û şûna geza li ser milê Enes Guran.

Gotinên Ensarîoglu nehat lêkolînkirin

Di îdianameyê de lêkolîn û lêpirsînek der barê gotinên parlamenterê AKP’ê Galîp Ensarîoglû de tune ne û lê balkêş e tevî ku Ensarîoglû gotibû malbat “dostên me ne” jî tu tiştek derheqî wî de nehatiye kirin.

Polat destnîşan kir ku ew ê  li Dadgeha Amedê bin û ew ê daxwaz bikin ku daxilî dozê bibin. Polat ev bang kir: “Em bang li hemû raya giştî ya demokratîk dikin ku piştgiriyê bidin danişînê.” MA / ŞÎLAN ÇÎL /AMED