‘Tecrîdê şerê taybet anî’

• Endama Meclisa Jinan a DBP’ê Ayşe Çelîkbîlek têkildarî tecrîda li ser Abdullah Ocalan û bandorên wê wiha got:” Bi tecrîdê re hat xwestin tundiyek jî hem li derve hem li girtîgehan pêk were. Tecrîdê li Îmraliyê dest pê kir lê belê li her derê belav bû. Tecrîd demabelav bû bi xwe re qeyrana aboriyê her wiha qirkirina zarok û jinan anî. Tecrîdê bi xwe re şerêtaybet anî.”

ROZA METÎNA/ AMED 

Endama Meclisa Jinan a Partiya Herêmên Demokratîk (DBP) Ayşe Çelîkbîlek têkildarîtecrîda li ser Abdullah Ocalan û bandorên wê nirxandin kir. Ayşe li dijî tecrîdê bal bir ser girîngiya têkoşîn û rêxistinbûyina jinan.

‘Tecrîd li dijî ramana azad e’

Ayşe di destpêkê de bal bir ser armanca tecrîda li ser Abdullah Ocalan û wiha got:”Tecrîd jiber hewldana qutkirina ji Rêber Ocalan ket rojeva me. Armanca tecrîdê ew e ku fikir û ramanên Rêber Ocalan di nava civakê de, di nava cîhanê de belav nebe. Tecrîd li dijî ramanaazad e. Hat xwestin pêşiya vê yekê bê girtin. Çimkî fikrê Rêber Ocalan ne tenê ji bo GelêKurd bû. Ji bo hemû Rojhilata Navîn bû. Wî ji bo Rojhilata Navîn fikra wekheviyê derxistpêş. Rêber Ocalan dixwaze hemû gel azad bibe, bi zimanê xwe biaxivin û ji bo hemû gelanjiyaneke li ser esasên netewa demokratîk xwest. Di eslê xwe de tecrîdê li hemberî vê yekêdest pê kir.”

‘Tecrîdê şerê taybet anî’

Ayşe qala bandorên tecrîdê kir û wiha pê de çû:”Bi tecrîdê re hat xwestin tundiyek jî hem li derve hem li girtîgehan pêk were. Tecrîdê li Îmraliyê dest pê kir lê belê li her derê belav bû. Tecrîd dema belav bû bi xwe re qeyrana aboriyê her wiha qirkirina zarok û jinan anî. Tecrîdêbi xwe re şerê taybet anî. Tecrîd di heman demê de tecawiz bi xwe re anî û tundiya li ser jinanzêde kir. Tecrîdê bê bawerî di nava civakê de pêş xist û bû sedema koçberiyê. Ciwan ji ber vêyekê niha di nava vê sîstemê de tiştekî ji bo xwe nabîne. Niha hişbir ji bo çi tê belavkirin ? Jibo ku ciwan haya wan ji wan tune be. Ji bo mejiyê wan pûç bibe, rêxistinê nizanibin û têkoşînê nemeşînin. Niha ciwanên hişbirê bi kar tînin di nava civakê de jî tune tên hesibandin. Çimkî ji bo wan xwestekek wan tune ye û ji bo civakê û jiyanê jî hişmendiyeke wan tune ye. Ji ber pêşeroja civakê zarok û ciwan in loma jî sîstem dixwaze bi vî hawî pêşiyê li siberojacivakê bigirin. Me herî dawî mînaka şerê taybet jixwe li Colemêrgê dît. Rabîa Onver li wiralîgirên şerê taybet teşhîr kir. Her wiha ji bo jinên ciwan azadiya xwe nefikirin tecrîdê û bi vêre girêdayî şerê taybet belav dibe. Ev şerê taybet û tecrîd jî pir zêde bi destên kesên biunîforma hat meşandin.”

‘Li zindanan tundiyek sîstematîk heye’

Ayşe da zanîn tecrîd bandorê li girtîgehan jî dike û wiha got:” Li Kurdistan û Tirkiyeyê tu kes ji rêzê jiyana xwe ji dest nadin. Pergala mêrperestiyê bandora xwe li vê yekê dike. Wekîmînak dema ez li mala xwe jî jiyana xwe ji dest bidim dema lêkolîn bê kirin wê bandorasîstema deshilatdar bê dîtin.  Li zindanê jî ev yek di vê astê de ye. Dema Garîbe Gezer li girtîgehê jiyana xwe ji dest da, ji bo wê hat gotin xwe întixar kiriye. Lê belê pişt re didîmenan de hat dîtin ku tundî û îşkence li Garîbeyê hatiye kirin, li erdê hatiye kaşkirin. Yanîbi wan dîmenan eşkere bû ku Garîbeyê hatiye qetilkirin. Niha ji bo Mizgîn Acar a ku li Girtîgeha Mêrdînê bû tê gotin întixar kiriye. Mizgînê li nexweşxaneyê jiyana xwe ji dest da. Lê belê malbat dibêje ne întixar e. Wexta em li bingeha mînaka Mizgîn Acar binirên dişibe ya Garîbe Gezer. Tundiyeke sîstematîk li ser girtiyan heye. Ev jî bi bandora tecrîdê pêş dikeve. Her wiha ev sîstem dixwaze girtiyan ji bajarên wan û ji malbatên wan dûr bixîne. Wan jimafên wan ên tendirustiyê jî dûr dixin. Heta li hundurê devê wan digerin. Lêgerîna tazî li ser wan ferz dikin. Mafê wan ji destên wan tên girtin. Girtiyên nexweş nayên berdan. Girtiyên kucezayên wan qediyane nayên berdan. Di dema pandemiyê de jî zilm li girtiyên di zindanan de û li goristanan hat kirin. Kevirên goristanên me şikandin. Lijneya îdarî û çavderiyê ava kirin û nehiştin girtî derkevin.”

Êrişên li ser Rojava û tecrîd

Ayşe da zanîn êrişên li ser Rojavayê Kurdistanê û tecrîd ji hev ne qut in û wiha got:”Tecrîd bixwe re şer, xwîn û kuştinê tîne. Jiyana ku hatiye avakirin perçe dike. Li ser RojavayêKurdistanê jî niha ev tê meşandin. Pergala li Rojava ji bo cîhanê bû mînakek. Lê belê Tirkiyeli hemberî vê pergalê li hincetan digere. Loma Tirkiye êrişî pergala Rojava û gelê li wir dike. Ev jî bandora tecrîdê bi xwe ye. Êriş heta li firinên li Rojava tê kirin. Niha gelek çete li Rojava bi cih bûne. Tecawizî jinan dikin, jinan direvînin, qetil dikin, tundiyê û îşkenceyêdikin. Tirkiye dengê xwe ji wan re nake lê belê êrişî pergala Rojava ya wekheviyê dike. Ev jîbingeha xwe ji şerê qirêj dike. Lê belê bersiva van erişana jî têkoşîn û rêxistinbûyîn e. Ji bo ev şer biqede divê tecrîd rabe û Rêber Ocalan bigihêje azadiya xwe ya fîzîkî. Çareseriya vêpêvajoyê jî ev e. Divê em wekî jinên kurd rêxistinbûyin û têkoşîna xwe mezin bikin.”