- Di daxuyaniyê de hat gotin: "Civîna bê wê li Siûdî were kirin û ev civîn wê çalakbûna Ereban xurttir bike.”
Melikê Erebistana Siûdî, Serokê Sûriyê Beşar Esad vexwend civîna Yekîtiya Ereban a ku 19’ê Gulanê li Cîddeyê tê lidarxistin.
Di daxuyaniya Serokatiya Sûriyeyê de hat diyarkirin ku Esad dawetnameya Melik Selman wergirtiye.
Di daxuyaniyê de hat gotin: "Civîna bê wê li Siûdî were kirin û ev civîn wê çalakbûna Ereban xurttir bike.”
Esad herî dawî di sala 2010’an de beşdarî civîna Yekîtiya Ereban bûbû. Ev civîn li bajarê Sirte yê Lîbyayê hatibû lidarxistin.
Hikûmeta Siûdî û ya Şamê ragihandin ku ew ê piştî 11 salan roja Sêşemê bi hev re nûnertiyên xwe yên dîplomatîk vekin.
Erebistana Siûdî di demên dawîn de têkiliya xwe ya bi Sûriyê re nerm kiriye.
NAVENDA NÛÇEYAN
