Şandeya Îmraliyê daxuyanî da

Şandeya Îmraliyê ya DEM Partiyê têkildarî hevdîtina bi Erdogan re daxuyanî da û got: “Di hevdîtinê de hate destnîşankirin ku îradeya her du aliyan a ji bo domandina pêvajoyê didome." 

Endamên Şandeya Îmraliyê ya Partiya Wekhevî û Demokrasiyê ya Gelan (DEM Partî) Pervîn Buldan û Mîthat Sancar saet di 15.00’an de bi Serokkomarê AKP’î Tayyîp Erdogan re hevdîtin kir.

Serokê Rêxistina Îstîxbarata Millî (MÎT) Îbrahîm Kalin û Serokwekîlê Giştî yê AKP’ê Efkan Ala jî tev li hevdîtinê bûn.

Şandeyê têkildarî hevdîtinê daxuyaniyeke nivîskî da.

Daxuyaniya ji hêla Buroya Çapemeniyê ya DEM Partiyê parve kirî wiha ye:

“Kedkarên çapemeniyê yên hêja; 

Endamên Şandeya Îmraliyê yên DEM Partiyê Pervîn Buldan û Mîthat Sancar, îro li Beştepeyê bi birêz Serokkomar Recep Tayyîp Erdogan re hevdîtin kir. Şandeya me, nêrîn û pêşniyarên xwe yên têkildarî qonaxa nû ya pêvajoyê û tiştên ji vir û şûnde dê bên kirin, parve kir. Di hevdîtinê de hate destnîşankirin ku îradeya her du aliyan a ji bo domandina pêvajoyê didome."

NAVENDA NÛÇEYAN