- Li Kolombiyayê di nav pênc salên dawî de ji ber teqemenî, mayin û bermayiyên teqemeniyan, 229 kes mirine û hezar 709 kes jî birîndar bûne.
Komîteya Xaça Sor a Navneteweyî (ICRC), diyar kir ku di nav pênc salên dawî de li Kolombiyayê ji ber teqemenî, mayin û bermayiyên teqemeniyan, 229 kes mirine û hezar 709 kes jî birîndar bûne.
Di rapora ICRC’ê de hat gotin, li Kolombiyayê zêdebûna mirin û birîndarbûnên ji ber teqemeniyan, cihê mêtirsiyê ye.
Mexdûrekî teqemeniyan jî tev li civîna ragihandina raporê ji çapemeniyê re bû. Orlando Balcarcelê ji teqîneke sala 2000’î filitiye, wî got: ‘’Em teqemeniyan nabînin, lê dizanin ku li wê derê ne. Ev trawma ye, dijminekî nepen e.”
Li gorî raporê, ji sala 2018’an ve ji ber mayinên antî-personel, bombe û bermayiyên teqemeniyan 229 kes mirine û hezar û 709 kes jî birîndar bûne.
Mexdûrê mayinekê, Barcarcele got, ew ji tirsan ne dikarin heywanan xwedî bikin ne jî bi çandiniyê re mijûl bibin.
NAVENDA NÛÇEYAN
