7’emîn Festîvala Fîlmên Kurdî ya li Barcelonayê di navbera 9-11’ê Gulana 2025’an de, li salonên Can Batllo, Zumzeig û Ca la Panarra pêk hat û tê de bal kişand ser têkoşîna gelê Kurd a ji bo enternasyonalîzm û azadiya jinê.
Li taxa Santsê ji bilî nîşandana fîlman, axaftin, pêşangeh û performansa muzîkê hatin lidarxistin. Fîlmên wekî “Lêgerîn” a Kolektîfa Sînemagerên Jin a Kezî, “Hêza” ya Derya Denîz, “Nameyên ji Şengalê” ya Dersim Zêrevan û “Kobanê” ya Ozlem Yaşar di festîvalê de hatin nîşandan. Van xebatên ku rola jinan di pêvajoyên şoreşgerî de ronî dike, rastî eleqeyek mezin hatin.
Nûnerên Rêveberiya Xweser a Bakur û Rojhilatê Sûriyê, nûnerên zanîngehan, derhêner û hunermendên Kurd beşdarî festîvalê bûn.
Derhêner Ersîn Çelîk, sînema weke amûra parastin û hêviyê pênase kir û destnîşan kir ku çîrok be jî li herêmên pevçûnan roleke girîng dilîze.
ANF/BARCELONA
