- Her le seretay 1968 we, germey şer û pêkadanî ew dû baske û le hemankatîş salî tropkî bêzarî roşinbîran û kurdperweran û çepxwazanî Kurdistanî bû, le bar û doxeke û her dû baskeke.
Sazmanî Înqîlabî u Kurdistan(139)
Biraym Celal, çepkêk le mêjûy komele,
Çapî çapxaney çuwar çira, çapî duwem, 2012, laperey 14 – 17
Beşî yekem janekanî gel û le dayikbûnî Komele
Kêşey nêwan dû baskekey partî (Celalî – Melayî),
Her wek le her dû beşekey kitêbî (Xwarûy Kurdistan û Şorişî Eylûl) be dirêjî basî ew dû layene û karîgerî baş û xirapyan le ser rewtî bizavî Kurd û ayendey têkoşanî gel da kirawe, heme layene helsengêndrawin, û ta radeyekîş bas le karîgerî barudoxeke le ser serheldanî bîrokey çepî Kurdistanî kirawe,
Her le seretay 1968 we, germey şer û pêkadanî ew dû baske û le hemankatîş salî tropkî bêzarî roşinbîran û kurdperweran û çepxwazanî Kurdistanî bû, le bar û doxeke û her dû baskeke. Bîrî çepî Kurdistanî serî helda û be şêwazî ciya ciya lawanî xwên germ û Kurdistanî pêşkewtinxwaz le layek û le layekî tirîşewe hendê le siyasye xawen ezmûn û xawen kesayetî û siyasî nîştimanperwer kewtne destpêkirdnî xo perwerde kirdin û xelik perwerde kirdinîş be bîrî Kurdistanî pêşkewtûxwazî û marksîzm- lênînîzm –bîrî Maotsêtung.
Bekreco, legel ewey binke û baregay serekî seranî baskî (Celal) bû, melbendî kêşanî nexşe û pilanî xoşkirdinî şerî nawxoyî layenêkî şereke bû, belam le heman katîşa bûbû, be binkeyekî daldey kesayetye şorişgêrekanî Iranî û Kurdî Rojhelatî Kurdistan ke zorbeyan helgranî bîrî çep û kesayetî naw hîzbe çepe ciyaciyakanî Iranî bûn, [lew serdeme da le rêkxirawe çepîye Iranîye nakurdekan tenê Sazmanî Înqîlabî hîzbî tûdey Îran le Bekreco bûwe; H-Q.], ewane karîgerîyekî zoryan hebû le ser lawe çepekanî ew baske û peydabûnî birewî çepî Kurdistanî û bîrî markisîzm- û bîrî Maotsêtung. Eme rastîyeke û naşardirêtewe, le mêjûy xebatî gelî Kurd da le xwarûy Kurdistan û serheldanî bîrî çepî Kurdistanî û paşan le dayikbûnî Komele, belam ew rastîyeş naşardirêtewe ke Bekreco ne binkey sûr û ne melbendî pêşkewtinxwazî û ne qutabxaney perwerdekirdnî cemawer be aydiyay marksîzm-lênînîzm nebû, be mebestî nehêştinî şerî nawxo û le ber yek helweşanî raberayetî xêlekî û borjuwazî û paşkoy borjuwazî netewey serdeste û hukim bedestî reftar faşî Be's.
Le naw ew kesayetîye Iranî û Kurdyane da, kesayetyekanî wek Îrecî Keşkolî, Xisrewî Sefayî, Mirad, Sefa û siyasetmedarî hoşmend û xawen bîr û huşyar "Kuriş Laşayî" *bû, naznawekey Dr. Celal bû, le serkirdekanî "sazmanî înqîlabî Iran" ke duwatir nawekeyan bû, be Hîzbî Zehmetkêşanî Iran. [Le duway rûxanî rêjîmî şa, sazmanî înqîlabî be îtlaf legel 4 yan 5 rêkxiraw û destey çepî hawbîr le Taran Hîzbî Rencberanî Iran yan damezrand; H.Q.] Dr. Celal yekêk bû, le tundrokanî (hîzbî tûde) y Iran, ke peyrewanî xetî sovyetî bûn, paşan le salî 1965 [salî 1964, H.Q.] le ber bê birwayî bew rêbaze û kartêkerî siyasetî Çîn û bîrî Maotsêtung, legel çend hawrêyekîda le hîzbî tûde ciya bûnewe û rêkxirawêkî çepyan be nawî (Sazmanê Ênqêlabîyê Hêzbê Tûdêyê Iran), wate rêkixrawî şorişgêrî hîzbî tûdey Iran damezrand.
Dr. Celal peywendyekî tundî legel Celal Talebanî da hebû, tuwanî karîgerî le serî hebê û be Celal Talebanî biselmênê, ke xuwarûy Kurdistan pêwîstî be rêkxirawêkî çepî (M.L) heye ke muturbekiraw bê be bîruray Maotsêtung, le heman katîşda karî dekird bo birewdan be ezmûnî Çîn û lêk çuwandinî Çîn û Kurdistan le çendîn ruwewe.
Karîgerî Dr. Celal le ser Celal Talebanî û peywendî tundî Celal Talebanîş be lawe xwên germ û huşyarekanî baskî Celalî û birwa bûnî tewawîşî be ezmûnî Çîn û dîmokrasî gelî şorişî Çîn, buwe hoy serheldanî bîrî çepî (M.L) bîrubawerî Maotsêtung le naw lawekanî ser bew baske.
Dr. Celal pêy wabû, ke xuwarûy Kurdistan zemîneyekî lebarî le dayikbûnî rêkxirawêkî çepî ser be bîrî Mawe, be mercê le dû lawe karî bo bikrê,
A) kar bikrê bo pêkhênanî hoyekî rageyandin ca rojname ya mangname ya werzname bêt, bibête mînberî bilawkirdnewey ew boçûn û bîrubawer û hêle.
B) Wirde wirde elqey biçûk biçûkî roşinbîrî pêk bihênrê, ta bibête nawkî durustkirdinî rêkxirawêkî çepî ser be bîrî Maotsêtung.
Mam Celal qolî lê helmalî û kewte pêwendî û kar kirdin le naw kesanî huşyar û roşinbîrekanî ewsay baskî Celalî le layek û le layekî tirîşewe hesta be derkirdnî govarî (Rizgarî) le 1969 da ke le çapxaney şoriş le Bexdad çap dekra.
Bûnî Bekreco be melbendî daldey kesayetî rêkixrawe çepekanî Iranî " leber peroşî bo 'elî nebû, bellku bo herîse bû",
Partî baskî (Melayî) ta nawçewanî le paşkoyetî siyasetî hukmî Iranda nuqum bibû, ta ew radeyey ke bû be parêzerî asayîşî sinurî Iran û 'Iraq û zamingerî hêminî û aramî Rojhelatî Kurdistan bo fermanrewayî şay Iranî, û bibûwe beşêk le hêzî çekdarî Mihemed Reza şa bo parastinî aramî naw ew beşey Kurdistan, le layekî tirîşewe bibûn, be rawkerî kesatiye Kurdî û Iraniye şorişgêrekan çi le seran û endamanî Hîzbî Dêmukrat û çi le endaman û seranî Sazmanî Înqîlabî Iran, ke le duwayîda bûne Sazmanî Zehmetkêşanî Iran [Hîzbî Rencberanî Iran; H.Q.].
Partî baskî (Celalî) ke emanîş nuqumî paşkoyetî siyasetî hukmî Be'si bibûn û bibûne beşêk le hêzî çekdarî Be'syekan bo lêdanî baskî Melayî û berjewendî şay Iranî le nawçeke, bêşik debûne melbendî daldey têkoşeranî Iranî le ber em dû ho girînge.
1-dujminî dujminim dostime,
2-bo be ber dakirdnî bergî pêşkewtûxwazî û nwêxwazî be tan û poy baskekeyan da û helfirîwandinî cemawerî zor bew nawewe,
Belgey ew rastîyeş nusînekanî naw rojnamey (Rizgarî) bû, ke zorbey nuseranî le kesayetî nasrawî naw baskî (Celalî) bûn û rojname bibûwe mînberî bilaw kirdnewey bîrî çep û pêşkewtûxwazî. Serheldanî ew bîrokeye le naw baskî Celalî da bûwe mayey xemlandinî layenêkî çepî bîr pêşkewtûy Kurdistanî le naw ew baske da û paşan hewildan bo kinekirdin û binkolkirdinî ew baske û xurtbûnî ew binema çepe, ke le ayinde da le kongirey Celalî salî 1970 gewretirîn rolyan le helweşandnewey rêkxiraweyî û çekdarî ew baskeda bînî û bûne layenêkî damezrênerî komele.
Dirêjey heye...
