Bernameya Stand Up’ê ya bi navê “Tirş û Tehl” a bi formata daxilbûna temaşevanan, li Amedê derket pêşberî xelkê.
Kolektîfa Saqoyê ku li Êlihê di bin banê “Batman Yenî Sahneyê” de ava bû, li Kafeya Taş Mahal a li navçeya Sûrê ya Amedê, bi bernameya “Tirş û Tehl” a Stand Up’a Kurdî derket pêşberî temaşevanan. Bernameya Tirş û Tehl, bi formateke cuda ku mîkrofon vekiriye û temaşevan jî dikarin derkevin ser dikê û serpêhatiyên xwe yên komîk bînin zimên, tê çêkirin. Bi vê formata xwe li Kurdistanê yekem bername ye û niha jî bajar bi bajar derdikeve pêşberî temaşevanan.
Bername cara yekem ji bilî Êlihê li bajareke din derket pêşberî temaşevanan. Hewşa kafeyê bi temaşevanan tije bû. Temaşevanan bi çepik û kenê xwe kêfxweşiya xwe da der û carna ew jî derketin ser dikê serpêhatiyên xwe gotin.
MA/AMED
