- Zarok Ma ku ev demeke li Ewrûpayê kargehên muzîkê dibe serî vê carê li Berlînê çalakiyek muzîkê bo zarokan li dar xist û zarokan li hev civand.
Zarok MA ku dibistana muzîkê ya zarokan e, li paytexta Elmanyayê Berlînê çalakiyek li dar xist. Zarok MA muzîka kurdî û dewlemendiya çandê bi zarokan re da nasîn.
Hevdîtina ku li Berlînê pêk hat, ji bo zarokan hem bû perwerdeyî û hem jî bû tecrûbeyek kêfxweşiyê. Zarok MA derfet da zarokên kurd ku mîrata xwe ya çandî hîn bibin û bi muzîkê ve bên girêdan.
Di atolyeyên hatin lidarxistin de zarok fêrî rîtm û awazên muzîka kurdî bûn û her wiha rîtuelên kurdî jî fêr bûn. Zarokên temenê wan di navbera 5 û 12 salî de beşdarî atolyeyên mûzîk, wêne û rîtuelê bûn. Mamosteyên muzîkê bi komî û takekesî zarok fêrî çawaniya çêkirina muzîkê kirin. Di heman demê de zarokan bi xêzkirina wêneyan derfeta ku xwe di beşên hunerê de bînin ziman dîtin.
Tîma Zarok MA diyar kir ku çalakiyên bi vî rengî nasnameya çandî ya zarokan xurt dike û ji bo pêşketina zarokan dibe alîkar. Ev çalakiya ku li Berlînê hat lidarxistin, ji bo zarok û malbatên wan ên beşdar bûn kêliyên ku neyên jibîrkirin da avakirin.BERLÎN
