Şaredariya Bajarê Mezin a Amedê di çarçoveya Hefteya Turîzmê ku di navbera 15-22'yê mehê de ye, 260 xwendekarên biçûk birin cem dengbêjan û li klamên wan guhdarî kirin.
Mala Dengbêjan li nav Sûra Amedê de ye. Vê carê zarokên biçûk mêvanên Mala Dengbêjan bûn. Di vê çalakiya ku ji bo zarok bi çand û hunerê re werin rûbirûkirin hate darxistin de, xwendekarên ku di bin banê Midûriyeta Şaxa Zarokan de li Zarokistan û Kreş û Malên Lênihêrîna Rojane perwerde dibînin, bi rêveberiya mamosteyên xwe di kolanên dîrokî yên navçeya Sûrê re meşiyan û çûn Mala Dengbêjan. Di çalakiyê de xwendekaran guhdariya dengbêjan kir. Di bernameyê de ku li Mala Dengbêjan a bi tevnê xwe yê dîrokî tê naskirin hate kirin, xwendekaran hem kêf kir hem jî li ser nirxên çandî agahî girtin.
Zarokên beşdarî çalakiyê bûn, ne tenê guhdariya dengbêjan kirin, di heman demê de derfet dîtin ku avahiya dîrokî ya Amedê jî ji nêz ve bibînin. Armanca çalakiyê ew bû ku zarok mîrateya çandî di temenê biçûk de nas bikin û wisa mezin bibin.
NAVENDA NÛÇEYAN
