Tahîr Elçî mezela xo ser de ame yadkerdene

Duşem 28 Mijdar 2022 - 17:51

  • Tahîr Elçî 7 serrî verî cû amebi qetilkerdiş. Elçî mezela xo ser de ame yadkerdene.

Serekê Baroya Amedî Tahîr Elçî, mezela xo ser de ame yadkerdene. Elçî 7 serrî verî cû amebi qetilkerdiş. Merasîmê yadkerdişî de embaza ey Turkan Elçî, endamê Weqfa Tahîr Elçîyî, Serekê Baroya Amedî Nahît Eren, Serekê Baroyanê bajaranê Kurdistanî, Wekîlê HDPyî Meral Daniş Beştaş û Îmam Taşçier û Hemsereka HDPyî ya Amedî Gulîstan Atasoye û xeylê awiqatî ameyê têhet. Badê ronayîşê qerenfîlan malûmatî ameyê kerdene.

‘Ma do mîrasê ey biramnê’

Serekê Baroya Amedî Nahît Erenî va, “Ma hema zî dej ancenê. Ma yewîtîya ma vera zelalkerdişê nê suîqastê sîyasîyî îradeyê ma mojnena. Ma eynî wext de vînenê ke, fikrê Serekê ma Tahîr Elçîyî senî camîaya hiqûqî de ca girewto û bandorê înan bîyo. Seba ke vera şerî pawitıoxîya haştîye kerde, serekê baroya ma ame qetilkerdiş. Ma do vera şerî xoverdayîşê xo biramnê û ma do teqîbê dosyaya ey zî bikerê. Ma do mîrasê ey biramnê û neqlê nifşanê ameyoxan bikerê.”

‘Ma alaya ey dewir girewte’

Serekê Baroya Şirnexî awiqat Rojhat Dîlsîzî va, “Ma hefteyo verên mehkemaya Tahîr Elçîyî de bîyê û bîyê şahide bêhiqûqîyan. Ez stajyere Tahîr Elçîyî bîya. Ez nêzdî ra şahide xoverdayîşê ey a. Ey vera polîtîkayanê bêcezaverdişî xo ver dayêne û nika dosyaya ci raştê polîtîkayê bêcezaverdişî yena. Ma alaya ey dewir girewte û ma bîyê şahide xoverdayîşê ey. Ma do xoverdayîşê ey bipawê.”

MA / AMED

parvê bike

Nûçeyên ku dikare bala we bikşîne

   

Yeni Özgür Politika

© Copyright 2023 Yeni Özgür Politika | Mafên belavkirinê parastî ne.