- Şerê di navbera artêşa Sûdanê û Hêzên Piştevaniya Lezgîn de dewam dike.
Li Sûdanê şerê di navbera artêşa Sûdanê û Hêzên Piştevaniya Lezgîn de di hefteya 8`an de dewam dike.
Li gorî tora Sky News Arabiya, doh li taxên başûrê paytexta Sûdan Xartûmê, di navbera artêşa Sûdanê û Hêzên Piştevaniya Lezgîn de şerekî dijwar qewimî. Şahidên ji herêma Endeziyaran, hin taxên Um Derman û taxên li başûrê paytextê diyar kirin ku şeva din jî şer rû daye û çekên sivik û giran hatine bikaranîn.
Rojnamevanan jî destnîşan kir ku li bajarê Ketim ê li bakurê Darfûrê jî şer çêbûye û hin sivîl hatine kuştin.
Cihgira rêveberê Gerînendiya Muzeyan a Sûdanê Îxlas Ebduletîf ragihandibû ku Hêzên Piştevaniya Lezgîn dest danîne ser Muzeya Neteweyî ya li Xartûmê.
Heyva Sor a Sûdanê jî diyar kiribû ku ji ber şerê li Xartûm û Darforê, xebatkarên wan neçar mane ku cenazeyên 180 kesan, bêyî ku nasnameyên wan bizanin, veşêrin.
NAVENDA NÛÇEYAN
