- Hunermendê Ingilîz Alex Chinneck bi peykerên xwe yên surreal ên qamûyî zorê dide xeyalên xelkê û bi peykerên xwe hin rastiyan berevajî dike. Esas ew berevajî nake, mirov dikare bibêje rastiyê li hev badide û deforme dike.
Alex Chinneck bi qulubeyên telefonan, lembeyên kolanan û qutiyên posteyê yên li kolanan dadikeve û ruhekî din ava dike bi van tiştan re. Çawa ku yekî li kolanan, di dema gerê de van tiştan li hev bada be û bi zanebûn deforme kiribe tên xuyanê. Ev formên nû yên van tiştên ku me li jor navê wan hilanî her çend tewş werin xuyanê jî hêla wan ya estetîk jî heye û gava mirov li van peykeran dinihêrin bivenevê dibişirin û ji wan re ecêb tê.
Alex Chinneck gelek peykerên ji hesin ên bi vî rengî çêkirine û ev peykerên wî li Assembly Bristol tên nîşandan. Ji bo balê bikşîne ser van peykeran Alex Cihnneck dibêje; “Ev peykêrên qamûyî hin cih û meydanên li Assemly bi hevdu ve girê didin. Bi vî awayî xelkê vedixwînim pêşangeha xwe da ku peykerên min bibînin. Hin tiştên rojane bi teknîkeke cuda vediguherînim û dixwazim hêza xeyalan rave bikim. Ev peyker hin alavên li bajêr ji nûve zindî dikin û li bajêr ruhekî cuda ava dikin.” NAVENDA NÛÇEYAN
