• Berhemeke nû ya Mihemed Malmîsanij “Ber bi Etîmolojiya Kurdiyê ve Kirmancî (Zazakî), Hewramî, Kurmancî, Kurdiya Navîn (Soranî)” derket.

Berhemeke nû ya Mihemed Malmîsanij “Ber bi Etîmolojiya Kurdiyê ve Kirmancî (Zazakî), Hewramî, Kurmancî, Kurdiya Navîn (Soranî)” derket.

Pirtûk ji aliyê Weşanxaneya Wateyê ve hatiye çapkirin. Ev xebat bi taybetî li ser kokên peyvên zaravayê Kirmanckî (Zazakî) disekine û wan bi peyvên zaravayên din ên Kurdî re dide ber hev. Di pirtûkê de qala zaravayên Kirmanckî (Zazakî), Hewramî, Kurmancî û Kurdiya Navîn (Soranî) tê kirin.

Ev xebata ku koka peyvên Kirmancî (Zazakî) vedikole, ne tenê ceribandineke etîmolojiyê ye, ew di heman demê de girêdanên dîrokî û zimannasî yên zimanê Kurdî jî dinirxîne. Di pirtûkê de peyv ji aliyê wate, şêwe û guherîna dengan ve bi hûrgulî hatine nirxandin. Her wiha wekhevî û cudahiyên di navbera zaravayan de hatine eşkerekirin.

Rêbazeke zanistî û sîstematîk

Pirtûk bi nêzîkatiyeke sîstematîk û zanistî hatiye amadekirin da ku valahiya di vî warî de tijî bike. Di berhemê de peyvên wan zimanên ku bi alfebeya Latînî tên nivîsandin bi şêwazê wan ê orjînal hatine parastin. Her wiha peyvên ku bi alfebeyên Erebî, Kirîlî yan ên din hatine nivîsandin, bilêvkirina wan a bi tîpên Latînî di nav parantezên de hatiye nîşandan. Ev berhema ku li ser etîmolojiya zimanê Kurdî zanyariyên nû pêşkêş dike û rêbazeke micid pêşniyar dike, ji bo lêkolîneran û her kesê ku bala wî li ser zimên e, çavkaniyeke girîng e. NAVENDA NÛÇEYAN

* * *

Şêwekarên jin li Kabîlê bi ser ketin

Her çiqas sînokirinên li ser perwerda keçan li Efxanistanê berdewam dikin jî, pêşbirkek şêwekariyê ku li navçeya Disht Berchi ya Kabîlê hate lidarxistin, nîşan da ku keç hîn jî bi hêvî, jêhatîbûn û motîvasyonê her tim serkeftî ne.

Di 25’ê Nîsanê de li Dişt-e Barchi pêşbirkek ji bo wênesazên ciwan hate lidarxistin û ev bûyer bi merasîmek mezin hate pîrozkirin.

Çalakî derdora saet bi xwendina helbestek ji hêla pêşkêşvanê bernameyê ve ku li ser têkoşîna jinên Efxan hatiye nivîsandin dest pê kir. Piştre damezrînerê "Galeriya Çavê Sêyemîn" gotarek pêşkêş kir û dû re yek ji beşdarên ciwan helbestek xwend. Di dawiya bernameyê de, sertîfîkayên spasdariyê ji 30 xwendekarên serketî re hatin dayîn. 28 ji xwendekarên serkeftî, keç bûn.

Ev bername nîşan da ku tevî qedexeyên berfireh, keçên EfXan hîn jî dikarin li gorî şiyanên xwe rêyên pêşketina xwe bişopînin. Ji bo gelek ji wan, huner ne tenê rêyek ji bo derbirîna hestên wan e, di heman demê de deriyek ji bo hêvî û berxwedana di rewşên dijwar de ye jî. NAVENDA NÛÇEYAN