- Bi hevkariya Diyarbakır Büyükşehir Belediyesi û Kolektîfa 4RO Photos, pêşangehawêneyan a bi navê “Mezopotamya Hikâyeleri (Çîrokên Mezopotamyayê)” vebû.
Bi hevkariya Midûriyeta Turîzmê ya girêdayî Serokatiya Çand û Karên Civakî û Kolektîfa4RO Photos, pêşangeha wêneyan a “Çîrokên Mezopotamyayê” (Mezopotamya Hikâyeleri ) liSalona Pêşangehê ya Navenda Çand û Kongreyê Çand Amed bi hezkiriyên hunerê re rû bi rûhat.
Pêşangeh ji berhemên 8 wênegirên di nav Kolektîfa 4RO Photos de pêk tê û li ser mijarênkoçberî, nasname, aidiyet, windabûn, bîr û berxwedanê disekine. Di pêşangehê de xebatênbelgeyî ên demdirêj ên Refik Tekin, Berge Arabian, Fatma Çelik, Murat Yazar, Paşa İmrek, Türkan Kılıç Pınar, Matthieu Chazal û Ensar Özdemir cih digirin.
Bi rêya vê pêşangehê çîrokên dîtbarî yên ku rastiya civakî û çandî ya pirreng a Mezopotamyayê nîşan didin, bi temaşevanan re hatin cem hev. Xebatên ku ji gundênHemşînê heta Îranê, ji Efxanistanê heta Ewropayê, ji penaberên Dom ên Sûriyeyî hetatêkoşîna edaletê ya Dayikên Şemiyê di pêşangehê de cih girtin û ev xebat bîra herêmê bi vanfotografan bêhtir dide xuyakirin.
‘Em dixwazin wênegiriya belgeyî bidin xuyakirin’
Kuratorê pêşangehê Refik Tekin di axaftina vekirinê de got ku 4RO Photos kolektîfek e ku jiheşt wênegirên ku bi wêneyên belgeyî re mijûl in pêk tê. Tekin da zanîn ku armanca kolektîfêew e ku xebatên wênegiriya belgeyî ên li Mezopotamyayê tên hilberandin xuya bike, di navwênegiran de hevkariyê xurt bike û ji bo nifşên pêşerojê arşîvek dîtbarî ya mayînde bihêle. Wî got ku xebatên di pêşangehê de encama kedên salan in. Tekin bal kişand ser wê yekê kuderfetên wênegirên li herêmê ji bo civîn û parvekirina hilberînên xwe kêm in û got: “Platformên bi vî rengî hem dîtinbariya xebatên bi kalîteya belgesel zêde dikin hem jîbeşdariyê li avakirina bîra hevpar dikin.” Tekin spasiya Şaredariya Bajarê Mezin û xebatkarênSerokatiya Çandê kir.
Arabian: Vegera bo kok û çîrokên xwe
Wênegir Berge Arabian jî kêfxweşiya xwe ya ji ber amadebûna di pêşangehê de anî ziman û got ku xebatên wî ji bo vegerê bo kokên xwe û çîrokên malbata xwe watedar in. Arabian gotku ew bi salan e li derveyî welat dijî, nêzî 15 sal berê rastî endamên kolektîfê bûye û bitêgihiştineke hilberîna hevpar re li hev civiyane. Wî wiha got: “Têxistin û tomar kirinaçîrokên van axan, bîra mirovan û kokên wan bi awayekî dîtbarî pir girîng e. Bi salan e em bibêdengî dixebitin. Ev pêşangeh yekemîn pêşangeha hevpar a kolektîfa me ye û ji bo me xwedî maneyeke taybet e.” Arabian teqez kir ku motîvasyona bingehîn a kolektîfê ew e kuçîrokên vê erdnîgariyê xuya bikin û bal kişand ser girîngiya parastina çîrokên malbatî û jiyanîyên ji rabirdûyê heta îro bi rêya bîra dîtbarî.
Wêne demê mayînde dike
Serokê Serokatiya Çand, Huner û Karên Civakî Zeynep Yaş jî di axaftina xwe de girîngiyaxebatên wênegiriya belgeyî di parastina bîra civakî de anî ziman. Yaş bi referansa navê “4RO Photos” gotina ku bi Kurdî pir tê bikaranîn “çar rojên dinyayê” anî bîra xwe û bal kişand ser hêza wêneyê ya ku demê mayînde dike; “Çar rojên dinyayê hergav namîne; tên, diçin û diqedin. Lê belê wêne wekî dinyayekê ye ku qet naqede. Gava mirov kêliyekê tomar dike, wateyê lê bar dike û çîroka wê xuya dike, ew kêlî dibe mayînde. Bi vî awayî çar rojêndinyayê dibin tevahiya dinyayê.” Yaş got ku pêşangeh encama keda mezin e, wênegiran bisalan li pey çîrokan çûne û arşîvek girîng ava kirine. Wê got ku ev xebat belgeyên hêja yên jibo pêşerojê ne û wiha dawî li axaftina xwe anî: “Bajar û civakek tenê bi qasî ku çîrokên xwetomar bike û xuya bike dikare bi rabihuriya xwe re têkiliyê deyne. Ev pêşangeh diyariyekegirîng e ku jiyanan û çîrokên mirovî xuya dike.”
Şahidiya çîrokên mirovî
Piştî axaftinan, ziyaretvanan pêşangeh geriyan û xebatên wênegiran dîtin. Pêşangeha“Çîrokên Mezopotamyayê” ku çîrokên mirovî dike navend û beşên jiyanê yên ji erdnîgariyêncuda tîne cem hev, heta mehekê ji bo hezkiriyên hunerê vekirî ye. NAVENDA NÛÇEYAN
